ଆଫଗାନିସ୍ତାନରେ ଭୂକମ୍ପ : ଭାଙ୍ଗିଲା ଘରଦ୍ୱାର, ଲୋକେ ଭୟଭିତ

ଓଡ଼ିଶା 365 (ବ୍ୟୁରୋ) : ଆଫଗାନିସ୍ତାନରେ ପୁଣି ଥରେ ଭୂକମ୍ପ ଅନୁଭୂତ ହୋଇଛି । ସୋମବାର ସକାଳେ ପୂର୍ବ ଆଫଗାନିସ୍ତାନର ଦୁର୍ଗମ, ପାର୍ବତ୍ୟ ଅଞ୍ଚଳରେ ୪.୮ ମ୍ୟାଗ୍ନିଚ୍ୟୁଡର ଏକ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି । ମାଟିରେ ନିର୍ମିତ ଘର ଗୁଡ଼ିକ ଭାଙ୍ଗିଯାଇଛି। ନ୍ୟାସନାଲ ସେଣ୍ଟର ଫର ସେସମୋଲୋଜି ଅନୁଯାୟୀ ଏହି ଭୂକମ୍ପର ମାତ୍ରା ୪.୮ ଥିଲା। ସୋମବାର ସକାଳ ୧୦:୦୫ ରେ ଏହି ଭୂକମ୍ପ ଘଟିଥିଲା। ଭୂକମ୍ପର ଗଭୀରତା ୧୭୩ କିଲୋମିଟର ଥିଲା । ଭୂକମ୍ପ ଯୋଗୁଁ ଲୋକମାନେ ଭୟଭୀତ ହୋଇଥିଲେ। ଏହାପୂର୍ବରୁ ଏହି ମାସ ଅର୍ଥାତ୍ ଅଗଷ୍ଟ ୬ ରେ ଆଫଗାନିସ୍ତାନରେ ପ୍ରବଳ ଭୂକମ୍ପ ଅନୁଭୂତ ହୋଇଥିଲା। ରିଚ୍ଟର ସ୍କେଲରେ ୫.୨ ମାପ ବିଶିଷ୍ଟ ଏକ ଭୂକମ୍ପ ଆଫଗାନିସ୍ତାନର ଫାୟାଜାବାଦର ୧୯ କିଲୋମିଟର ଏସଏସଇରେ ରାତି ପ୍ରାୟ ୬:୫୩ ରେ ରେକର୍ଡ କରାଯାଇଥିଲା। ନ୍ୟାସନାଲ ସେଣ୍ଟର ଫର ସେସମୋଲୋଜି କହିଛି ଯେ ଏହାର କେନ୍ଦ୍ର ଭୂମିଠାରୁ ୮୫ କିଲୋମିଟର ଗଭୀର ଅଟେ।