ସୀତା ହେବାକୁ ମନା କରିଦେଲେ ଆଲିଆ

ଓଡ଼ିଶା 365 (ବ୍ୟୁରୋ) : ଚର୍ଚ୍ଚାରେ ଆଲିଆଙ୍କ ବୟାନ । ନୀତେଶ ତିୱାରୀଙ୍କ ରାମାୟଣ ଫିଲ୍ଣରେ ନଜର ଆସିଥାନ୍ତେ ଆଲିଆ ଭଟ୍ଟ। ହେଲେ ଆଲିଆ ରାମାୟଣ ଫିଲ୍ମରେ ନଜର ଆସିବେନି ବୋଲି ଚର୍ଚ୍ଚା ହେଉଛି। ଆଲିଆ ଓ ରଣବୀରଙ୍କ ଯୋଡି କାହାକୁ ବି ଅଛପା ନାହିଁ । ଦୁହେଁ ବୈବାହିକ ଜୀବନକୁ ନେଇ ବେଶ୍ ଖୁସିରେ ଥିବା ଦେଖିବାକୁ ମିଳୁଛି । ହେଲେ ଏହି ରିଅଲ ଲାଇଫର ସାଥୀଙ୍କୁ ରିଲ୍ ଲାଇଫ୍ରେ ଦେଖିବାକୁ ଦର୍ଶକ ମାନେ ଚାତକ ପରି ଚାହିଁରହିଥିଲେ । ହେଲେ ଶୁଣିବାକୁ ମିଳୁଛି ଯେ ଆଲିଆ ଦର୍ଶକ ମାନଙ୍କୁ ନିରାଶ କରିଦେଇଛନ୍ତି ।

ସୂଚନା ଅନୁଯାୟୀ, ଏକ ହିନ୍ଦୁ ଉପନ୍ୟାସକୁ ନେଇ ପ୍ରସ୍ତୁତ ହେବାକୁ ଥିଲା ରାମାୟଣ ଚଳଚ୍ଚିତ୍ର। ଏଥିରେ ଆଲିଆ ସୀତା ଭୂମିକାରେ ଅଭିନୟ କରିବା ସହ ରଣବୀର ମଧ୍ୟ ରାମ ଭୂମିକାରେ ଅଭିନୟ କରିଥାନ୍ତେ। ସେହିପରି ରାବଣ ଭୂମିକାରେ କନ୍ନଡ ତାରକା ୟସଙ୍କୁ ଦେଖିବାକୁ ମିଳିଥାନ୍ତା । ହେଲେ ଫିଲ୍ମ ପ୍ରସ୍ତୁତ ଆଗରୁ ମନା କରିଦେଇଥିଲେ ୟସ, ଏବେ ଆଲିଆ ବି ସୀତାଙ୍କ ଅଭିନୟ କରିବା ପାଇଁ ମନା କରିଦେଇଛନ୍ତି। ଶୁଣିବାକୁ ମିଳୁଛି ଯେ, ସେ ହଲିଉଡ ଫିଲ୍ମ ହାର୍ଟ ଅଫ୍ ଷ୍ଟୋନରେ ବ୍ୟସ୍ତ ଅଛନ୍ତି ସେଥିପାଇଁ ଏହି ଫିଲ୍ମରୁ ଓହରି ଯାଇଛନ୍ତି ଆଲିଆ ।