ଓଡ଼ିଶା 365 (ବ୍ୟୁରୋ): ଅଗଷ୍ଟ ୨୩ ତାରିଖ ଥିଲା ସମଗ୍ର ଭାରତ ପାଇଁ ସବୁଠୁ ବଡ ଦିନ । ଏହି ଦିନ ଚନ୍ଦ୍ରଯାନ ଚନ୍ଦ୍ରର ଦକ୍ଷିଣ ପୋଲରେ ଅବତରଣ କରିଥିଲା। ଜହ୍ନରେ ପ୍ରଥମ ଥର ପାଇଁ ନାଁ ଲେଖିଥିଲା ଭାରତ । ଜହ୍ନରେ ଅବତରଣ କରିବାରେ ଭାରତ ହେଉଛି ବିଶ୍ୱର ପ୍ରଥମ ଦେଶ । ସଫଳତା ପରେ ଇସ୍ରୋର ସମସ୍ତ ବୈଜ୍ଞାନିକ ମାନଙ୍କୁ ଦେଶ ବିଦେଶରୁ ଶୁଭେତ୍ସାର ସୁଅ ଛୁଟୁଛି । ଏହାସହ ବଲିଉଡର ଷ୍ଟାର ମାନେ ମଧ୍ୟ ବୈଜ୍ଞାନିକଙ୍କୁ ଅଭିନନ୍ଦନ ଜଣାଇଥିବାବେଳେ ଅଭିନେତ୍ରୀ କଙ୍ଗନା ରଣାୱତ ମଧ୍ୟ ଇସ୍ରୋର ମହିଳା ବୈଜ୍ଞାନିକମାନଙ୍କୁ ପ୍ରଶଂସା କରି ତାଙ୍କର ଗୁଣଗାନ କରିଛନ୍ତି ।
ସୂଚନା ଅନୁଯାୟୀ, କଙ୍ଗନା ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଏକ ସ୍ୱତନ୍ତ୍ର ପୋଷ୍ଟ ସେୟାର କରିଛନ୍ତି। ଯେଉଁଥିରେ ଚନ୍ଦ୍ରଯାନ ମିଶନରେ କାର୍ୟ୍ୟ କରିଥିବା ମହିଳା ବୈଜ୍ଞାନିକମାନଙ୍କ ମୁହଁରେ ସଫଳତାର ଖୁସି ସ୍ପଷ୍ଟ ଭାବରେ ଦେଖାଯାଉଛି। ସମସ୍ତେ ଖୁସି ହୋଇ କ୍ୟାମେରା ଆଗରେ ପୋଜ୍ ଦେଇଛନ୍ତି। ଅଭିନେତ୍ରୀ ସେୟାର କରିଥିବା ଫଟୋରେ ସମସ୍ତ ମହିଳା ଶାଢୀ ଏବଂ ଟିକିଲିରେ ନଜର ଆସିଛନ୍ତି ଏବଂ କ୍ୟାପସନରେ ଲେଖିଛନ୍ତି – ଭାରତର ଅଗ୍ରଣୀ ବୈଜ୍ଞାନିକ, ସମସ୍ତେ ବିନ୍ଦି, ସିନ୍ଦୁର ଏବଂ ମଙ୍ଗଲସୁତ୍ର, ସରଳ ଜୀବନ ଏବଂ ଉଚ୍ଚ ଚିନ୍ତାଧାରାର ପ୍ରତୀକ । ଭାରତୀୟତାର ପ୍ରକୃତ ମହତ୍ତ୍ଵ। ଏହା କହି ଇସ୍ରୋର ମହିଳା ବୈଜ୍ଞାନିକଙ୍କ ଉପରେ ଖୁସି ଅଛନ୍ତି ଅଭିନେତ୍ରୀ କଙ୍ଗନା ।
