ବ୍ରାଉନ ସୁଗର ବିକି ବନ୍ଧାହେଲେ ୩ ଯୁବକ

ଓଡ଼ିଶା 365 (ବ୍ୟୁରୋ) :  ଶ୍ରୀକ୍ଷେତ୍ର ପୁରୀରେ ବ୍ରାଉନ ସୁଗର ବିକ୍ରି କରି ବନ୍ଧାହେଲେ ୩ ଯୁବକ। ଏହି ଯୁବକମାନେ ବ୍ରାଉନ ସୁଗର ବିକ୍ରି କରୁଥିବା ଅଭିଯୋଗ ଆସିବା ପରେ ପୁରୀ ସଦର ଥାନା ପୋଲିସ ଚଢାଉକରିଥିଲା। ଏହାପରେ ଡ୍ରଗ୍ସ ବେପାରେ ସମ୍ପୃକ୍ତ ଥିବା ପର୍ମାଣ ମିଳିବା ପରେ ଗିରଫ କରି କୋର୍ଟ ଚାଲାଣ କରିଛି ସଦର ଥାନା ପୋଲିସ । ଗିରଫ ବେପାରୀ ହେଲେ ବାନାମ୍ବର୍ ବେହେରା,ପ୍ରଶାନ୍ତ ପ୍ରଧାନ ଓ ଚକ୍ରଧର ବେହେରା। ସେମାନଙ୍କ ଠାରୁ ୧୦ ଗ୍ରାମ ବ୍ରାଉନ ସୁଗାର ସହ ଗୋଟିଏ ବାଇକ୍,୩ ମୋବାଇଲ ଓ ୧୨୦୦ ଟଙ୍କା ଜବତ ହୋଇଛି।

ଜବତ ବ୍ରାଉନ ସୁଗାରର ମୂଲ୍ୟ ୧ ଲକ୍ଷ ଟଙ୍କା ହେବ ବୋଲି ଆକଳନ କରାଯାଉଛି । ଏହି ତିନି ଜଣ ବ୍ରାଉନ ସୁଗାର ସହ ମାଳତୀପାଟପୁର ଓଭରବ୍ରିଜ ଉପରେ ବାଇକ୍ ସହ ଛିଡା ହୋଇଥିବାବେଳେ ପୋଲିସ କାବୁ କରିଥିଲା।