ନୀରଜ ପାଇଁ ଦେଶ ଗର୍ବିତ : ସତିଷ କୁମାର, ନୀରଜଙ୍କ ବାପା

ଓଡ଼ିଶା 365 (ବ୍ୟୁରୋ) : ବିଶ୍ୱ ଆଥଲେଟିକ୍ସ ଚାମ୍ପିଅନସିପରେ ସ୍ବର୍ଣ୍ଣ ପଦକ ହାସଲ କରିବା ପରେ ନୀରଜ ଚୋପ୍ରାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ଶୁଅ ଛୁଟୁଛି । ଏହି ଅବସରରେ ନୀରଜଙ୍କ ବାପା ସତିଷ କୁମାର କହିଛନ୍ତି, ବିଶ୍ୱ ଆଥଲେଟିକ୍ସ ଚାମ୍ପିଅନସିପରେ ସ୍ବର୍ଣ୍ଣ ପଦକ ହାସଲ କରିବା ଦେଶ ପାଇଁ ଏକ ଗର୍ବର ବିଷୟ । ଦେଶ ଆଜି ଗର୍ବିତ । ନୀରଜ ଏବେ ଦେଶର ପୁଅ । ସେ ଦେଶ ପାଇଁ ପ୍ରଦର୍ଶନ କରୁଛି ବୋଲି କହିଛନ୍ତି ସତିଷ କୁମାର । ବିଶ୍ୱ ଆଥଲେଟିକ୍ସ ଚାମ୍ପିଅନସିପରେ ସ୍ବର୍ଣ୍ଣ ପଦକ ଜିତିଥିବା ପ୍ରଥମ ଭାରତୀୟ ହୋଇଛନ୍ତି ନୀରଜ ଚୋପ୍ରା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୀରଜଙ୍କୁ ଧନ୍ୟବାଦ ଜଣାଇଛନ୍ତି । ନୀରଜ ଜଣେ ପ୍ରତିଭାବାନ ଓ ଉତ୍କର୍ଷତାର ଉଦାହରଣ ବୋଲି କହିଛନ୍ତି ମୋଦି ।