ପଶ୍ଚିମବଙ୍ଗ ବାଣ କାରଖାନାରେ ବିସ୍ଫୋରଣ; ୬ ମୃତ

ଓଡ଼ିଶା365(ବ୍ୟୁରୋ): ପଶ୍ଚିମବଙ୍ଗର ଜଗନ୍ନାଥପୁରରେ ଥିବା ଏକ ବାଣ କାରଖାନାରେ ବିସ୍ଫୋରଣ । ବିସ୍ଫୋରଣରେ ପାଖାପାଖି ୬ଜଣ ବ୍ୟକ୍ତିଙ୍କର ମୃତ୍ୟୁ ହୋଇଥିବା ବେଳେ ଅନେକ ଲୋକ ଆହତ ହୋଇଥିବା ସୂଚନା। ଘଟଣାଟି ଉତ୍ତର ୨୪ ପ୍ରଗଣା ଅନ୍ତର୍ଗତ ଦତ୍ତପୁକୁର ଥାନା ଅଞ୍ଚଳରେ ଘଟିଛି ।  ପୁଲିସ କହିଛି, ଦତ୍ତପୁକୁର ଥାନା ଅଞ୍ଚଳର ନିଲ୍‌ଗୁଞ୍ଜ ଅନ୍ତର୍ଗତ ମୋସପୋଲ୍‌ରେ ଥିବା ଉକ୍ତ ବାଣ କାରଖାନାରେ ସକାଳ ପ୍ରାୟ ୧୦ ବେଳେ ବିସ୍ଫୋରଣ ଘଟିଥିଲା । ଏହି ସମୟରେ କେତେକ ଲୋକ ସେଠାରେ କାମ କରୁଥିଲେ। ସ୍ଥାନୀୟ କର୍ତ୍ତୃପକ୍ଷ ଓ ଉଦ୍ଧାକାରୀ ଦଳ ପହଞ୍ଚି ତଲାସ ଓ ସ୍ଥାନାନ୍ତରଣ କରିଥିଲେ। ଦମକଳବାହିନୀ ବି ଘଟଣାସ୍ଥଳରେ ପହଞ୍ଚି ନିଆଁ ଲିଭାଇ ଥିଲା। ସ୍ଥାନୀୟ ଲୋକଙ୍କ ସୂଚନା ଅନୁସାରେ, ମୃତ୍ୟୁସଂଖ୍ୟା ଆହୁରି ବୃଦ୍ଧି ପାଇବା ସମ୍ଭାବନା ରହିଛି। ସେଠାରେ ବେଆଇନ ଭାବେ ଏହି ବାଣ କାରଖାନା ଚାଲିଥିବା ଜଣାପଡ଼ିଛି ।