ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ୍ ଭାଇଜାନ । ବାଂଲାଦେଶରେ ରିଲିଜ୍ ହେଲା ସଲମାନ୍ ଖାନଙ୍କ ଚଳଚ୍ଚିତ୍ର ‘କିସି କା ଭାଇ କିସି କି ଜାନ’ । ଏହି ଫିଲ୍ମ ରିଲିଜ୍ ହେବାପରେ ସଲମାନ ଖାନଙ୍କ ପ୍ରଶଂସକଙ୍କ ମଧ୍ୟରେ ଖୁସିର ଲହରି ଖେଳି ଯାଇଛି ।
ଆଜି ଜି ଷ୍ଟୁଡିଓର ପ୍ରଥମ ଚଳଚ୍ଚିିତ୍ର ଭାବେ ଭାଇଜାନଙ୍କ ଫିଲ୍ମ ରିଲିଜ୍ ହୋଇଛି । ବାଂଲାଦେଶରେ ମୁକ୍ତିଲାଭ କରିଥିବା ଏହା ହେଉଛି ଦ୍ୱିତୀୟ ଭାରତୀୟ ଚଳଚ୍ଚିତ୍ର । ଯାହା ଭାରତ ପାଇଁ ଗର୍ବର ବିଷୟ ।
ସୂଚନା ଅନୁଯାୟୀ, ୧୯୭୧ ବର୍ଷ ପରେ, ଶାହାରୁଖ ଖାନଙ୍କ ଫିଲ୍ମ ‘ପଠାନ’ ବାଂଲାଦେଶରେ ଦ୍ୱାଦଶରେ ମୁକ୍ତିଲାଭ କରିଥିଲା। ବର୍ତ୍ତମାନ ସଲମାନ ଖାନଙ୍କ ଫିଲ୍ମ ‘କିସି କା ଭାଇ କିସି କି ଜାନ’ ବାଂଲାଦେଶରେ ମୁକ୍ତିଲାଭ କରିଛି । ଫରହାଦଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ରଟି ଇତିହାସ ରଚିବ ବୋଲି ଚର୍ଚ୍ଚା ହେଉଛି । ସଲମାନଙ୍କ ଏହି ଫିଲ୍ମ ବକ୍ସ ଅଫିସରେ ୧୦୦ କୋଟିରୁ ଅଧିକ ଆୟ କରିଥିଲା। ଯାହାକୁ ନେଇ ଚର୍ଚ୍ଚା ଧମିବାର ନା ନେଉନାହିଁ ।
