ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡର କିଙ୍ଗଖାନ୍ ଶାହାରୁଖ ଖାନ୍ । ଫିଲ୍ମ ପଠାନ ପରେ ଶାହାରୁଖଙ୍କ ଅପକମିଂ ଫିଲ୍ମ ‘ଜୱାନ’ କୁ ନେଇ ଚର୍ଚ୍ଚା ଲାଗିରହିଛି । ଏବେ ସମସ୍ତଙ୍କ ନଜର ବଲିଉଡ ସୁପରଷ୍ଟାର ଶାହରୁଖ ‘ଜୱାନ’ ଉପରେ । ଚଳଚ୍ଚିତ୍ର ସହିତ ଜଡିତ ପ୍ରତ୍ୟେକ ଛୋଟ ଏବଂ ବଡ ଖବର ଜାଣିବା ପାଇଁ ଲୋକମାନେ ଚାତକ ପରି ଚାହିଁ ରହିଛନ୍ତି ।
ସୂଚନା ଅନୁଯାୟୀ, ସୁପରଷ୍ଟାର ଶାହରୁଖଙ୍କ ଆଗାମୀ ଚଳଚ୍ଚିତ୍ର ‘ଜୱାନ’ ଦୁନିଆର ସବୁଠୁ ବଡ ପରଦାରେ ମୁକ୍ତିଲାଭ କରିବାକୁ ନିର୍ମାତା ପ୍ରସ୍ତୁତ ହେଉଛନ୍ତି। ଜର୍ମାନୀର ଲିଓନବର୍ଗରେ IMAX ପରଦାରେ ‘ଜୱାନ’ ମୁକ୍ତିଲାଭ କରିବ । ୧୨୫ ଫୁଟ ଚଉଡା ଏବଂ ୭୨ ଫୁଟ ଲମ୍ବର ଏହି ପରଦା । ରେଗୁଲାର ସ୍କ୍ରିନ୍ ଠାରୁ ଏହା ବହୁତ ବଡ । ଏହି ସ୍କ୍ରିନ୍ର ନାମ ହେଉଛି ଟ୍ରମ୍ପ୍ଲାଷ୍ଟ । ଏହା ମଧ୍ୟ ଗିନିଜ ବୁକ୍ ଅଫ୍ ୱାର୍ଲ୍ଡରେ ସ୍ଥାନ ପାଇଛି । ସେପଟେ ଶୁଣିବାକୁ ମିଳୁଛି ଯେ ଶାହାରୁଖ ଖାନ ଏବଂ ନୟନତରା ଅଭିନୀତ ଚଳଚ୍ଚିତ୍ର ଜୱାନ ଟ୍ରମ୍ପ୍ଲାଷ୍ଟ ମୁକ୍ତିଲାଭ କରିଥିବା ପ୍ରଥମ ଭାରତୀୟ ଚଳଚ୍ଚିତ୍ର ହେବ।
