ଓଡ଼ିଶା 365 (ବ୍ୟୁରୋ) : ଚର୍ଚ୍ଚାରେ ସୁପରଷ୍ଟାର ପ୍ରଭାସଙ୍କ ଅଭିନୀତ ଫିଲ୍ମ ‘ସଲାର’ । ଏପଟେ କମୁନି ସାଉଥ ସୁପରଷ୍ଟାର ପ୍ରଭାସଙ୍କ କ୍ରେଜ୍ । ସୂଚନାଅନୁଯାୟୀ, ପୂର୍ବରୁ ୫,୦୦୦ସ୍କ୍ରିନରେ ସଲାର ରିଲିଜ୍ ହେବ ବୋଲି କୁହାଯାଉଥିବାବେଳେ ଏହାରି ମଧ୍ୟରେ ଏକ ଖୁସି ଖବର ସାମ୍ମନାକୁ ଆସିଛି। ମିଳିଥିବା ସୂଚନା ଅନୁଯାୟୀ, ଆମେରିକାରେ ଏହି ଫିଲ୍ମ ରିଲିଜର ୩୬ଦିନ ପୂର୍ବରୁ ସଲାର ୧କୋଟି ଟଙ୍କା ଆୟ କରିସାରିଲାଣି । ଗତକାଲି ଅଗ୍ରୀମ ବୁକିଂ ଆରମ୍ଭ ହେବା ପରେ କିଛି ଘଣ୍ଟା ମଧ୍ୟରେ ୧କୋଟି ଟଙ୍କାର ଟିକେଟ ବୁକ୍ ହୋଇସାରିଥିବା ଜଣାଯାଇଛି। ଆଗକୁ ଏହା ଆହୁରି ବଢ଼ିବ ବୋଲି ଆଶା ରଖିଛନ୍ତି ନିର୍ମାତା। ସେପଟେ ଫିଲ୍ମର ଟିଜର ଲଞ୍ଚ ପରଠାରୁ ଏହି ଚଳଚ୍ଚିତ୍ରକୁ ନେଇ ଦର୍ଶକ ଏବଂ ପ୍ରଶଂସକଙ୍କ ଉତ୍ସାହ ବହୁଗୁଣିତ ହୋଇଛି। ଟିଜର ପରେ ଏବେ ରିଲିଜ୍ ସମୟକୁ ଅପେକ୍ଷା କରିଛନ୍ତି ଦର୍ଶକ ।
