ଓଡ଼ିଶା 365 (ବ୍ୟୁରୋ) : ସଫଳ ହେଲା ଚନ୍ଦ୍ରାୟନ -୩ । ଇତିହାସ ରଚିଲା ଭାରତ । ପ୍ରଥମ ଥର ପାଇଁ ଜହ୍ନରେ ନାଁ ଲେଖିଲା ଭାରତ । ଭାରତ ୧୪ ଜୁଲାଇରେ ଚନ୍ଦ୍ରାୟଣ -୩ ଲଞ୍ଚ କରିଥିଲା। ଏହି ମିଶନର ଉଦ୍ଦେଶ୍ୟ ହେଉଛି ଚନ୍ଦ୍ରରେ ଜଳ ଖୋଜିବା । ସେପଟେ ଚନ୍ଦ୍ରାୟନ -୩ର ସଫଳତା ପରେ ସାରା ଭାରତରେ ଚାଲିଛି ସେଲିବ୍ରେସନ । ଏହାରି ମଧ୍ୟରେ ମୁମ୍ବାଇ ଇଣ୍ଡିଆନ୍ସ ଏକ ମଜାଦାର ଚିତ୍ର ସେୟାର କରିଛି । ନୂଆଦିଲ୍ଲୀ, କ୍ରୀଡା ଡେସ୍କ । ଯେଉଁଠାରେ ଆଇପିଏଲ୍ ଫ୍ରାଞ୍ଚାଇଜ୍ ମୁମ୍ବାଇ ଇଣ୍ଡିଆନ୍ସ ଟ୍ୟୁଇଟରରେ ଏକ ଆକର୍ଷଣୀୟ ଫଟୋ ସେୟାର କରିଛି । ଯାହା ଏବେ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି ।
ଏଠାରେ ଉଲ୍ଲେଖ କରାଯାଇଛି ଯେ, ସମଗ୍ର ଦେଶ ଚନ୍ଦ୍ରଯାନ-୩ର ସଫଳତାକୁ ସେଲିବ୍ରେସନ୍ କରୁଥିବାବେଳେ ମୁମ୍ବାଇ ଇଣ୍ଡିଆନ୍ସ ବିଫଳ ଚନ୍ଦ୍ରାୟନ-୨ର ଚିତ୍ର ସେୟାର କରି ୨୦୧୯ ରେ ଦିନିକିଆ ବିଶ୍ୱକପରେ ପରାସ୍ତ ହୋଇଥିବା କଥା ସେୟାର କରିଛି । ମୁମ୍ବାଇ ଇଣ୍ଡିଆନ୍ସ ଟ୍ୟୁଟରରେ ଦୁଇଟି ଚିତ୍ର ସେୟାର କରାଯାଇଛିି । ପ୍ରଥମ ଚିତ୍ରରେ ୨୦୧୯ ରେ ଚନ୍ଦ୍ରାୟଣ -୨ ବିଫଳ ହେବା ପରେ ପୂର୍ବତନ ଇସ୍ରୋ ମୁଖ୍ୟଙ୍କୁ ଦେଖିବାକୁ ମିଳିଛି । ଏଥି ସହିତ, ୨୦୧୯ ରେ ଖେଳାଯାଇଥିବା ଦିନିକିଆ ବିଶ୍ୱକପରେ ବରଖାସ୍ତ ହେବା ପରେ ରୋହିତ ଶର୍ମା ପାଭିଲିୟନକୁ ଫେରୁଥିବା ଚିତ୍ର ସେୟାର କରାଯାଇଛି । ଦ୍ୱିତୀୟ ଚିତ୍ରରେ , ୨୦୨୩ ମସିହାରେ ସଫଳ ଚନ୍ଦ୍ରୟାନ -୩ ପରେ ଇସ୍ରୋ ମୁଖ୍ୟଙ୍କୁ ଦେଖିବାକୁ ମିଳିଛି ।
କୁହାଯାଉଛି ଯେ, ଭାରତ ୨୦୧୯ ରେ ଚନ୍ଦ୍ରରେ ପହଞ୍ଚିବାରେ ବିଫଳ ହୋଇଥିଲା । ଏଥି ସହିତ ୨୦୧୯ ବିଶ୍ୱକପର ସେମିଫାଇନାଲରେ ନ୍ୟୁଜିଲ୍ୟାଣ୍ଡକୁ ହରାଇବା ପରେ ଭାରତୀୟ ଦଳ ମଧ୍ୟ ଟୁର୍ନାମେଣ୍ଟରୁ ବାଦ ପଡିଥିଲା। ଏହାକୁ ଦେଖି ଏମଆଇ ଆଶା ପ୍ରକଟ କରିଛି ଯେ, ୨୦୨୩ ଦିନିକିଆ ବିଶ୍ୱକପରେ ଭାରତ ଜିତିବ । ଯେଉଁପରିଭାବେ ଚନ୍ଦ୍ରାୟନ -୩ ସଫଳ ହୋଇଛି, ସେହିପରି ରୋହିତଙ୍କ ଅଧିନାୟକତ୍ୱରେ ଭାରତ ୨୦୨୩ ବିଶ୍ୱକପ୍ ଜିତିବାରେ ସଫଳ ହେବ।
