ଚନ୍ଦ୍ରୟାନ-୩ : ବିଦେଶୀ ଖବର କାଗଜରେ ମୋଦିଙ୍କ ପ୍ରଶଂସା

ଓଡ଼ିଶା 365 (ବ୍ୟୁରୋ) : ଭାରତର ଚନ୍ଦ୍ରୟାନ-୩ ମିଶନର ସଫଳ ହେବା ପରେ ସାରା ବିଶ୍ୱରେ ଚର୍ଚ୍ଚା ହେଉଛି । ଏହି ସଫଳତା ପାଇଁ ବିଶ୍ୱର ସମସ୍ତ ନେତା ଓ ପ୍ରମୁଖ ବ୍ୟକ୍ତି ଇସ୍ରୋ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଦେଇଛନ୍ତି । ଶିଖର ସମ୍ମିଳନୀରେ ଯୋଗଦେବା ପାଇଁ ଦକ୍ଷିଣ ଆଫ୍ରିକାର ଜୋହାନ୍ସବର୍ଗ ଯାଇଛନ୍ତି ପ୍ରଧାନମନ୍ତ୍ରୀ ମୋଦି । ଏହି ଅବସରରେ ବ୍ରିକ୍ସ ସମ୍ମିଳନୀରୁ ବୈଦେଶିକ ବ୍ୟାପାର ମନ୍ତ୍ରୀ ଏସ୍‌.ଜୟଶଙ୍କର ଏକ ଫଟୋ ଶେୟାର କରିଛନ୍ତି। ଯେଉଁଥିରେ ବ୍ରାଜିଲର ରାଷ୍ଟ୍ରପତି ଲୁଲା ଦେ ସିଲ୍‌ଭାଙ୍କ ନିକଟରେ ଛିଡ଼ା ହୋଇ ଏକ ଖବରକାଗଜ ପଢୁଛନ୍ତି ମୋଦି । ବିଦେଶୀ ଖବର କାଗଜରେ ଭାରତର ଚନ୍ଦ୍ରୟାନ-୩ ମିଶନ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଶଂସା କରାଯାଉଛି ।