ଓଡ଼ିଶା 365 (ବ୍ୟୁରୋ): ଭାରତୀ ସିଂ ବଲିଉଡର କମେଡି ଇଣ୍ଡଷ୍ଟ୍ରିରେ ଜଣେ ଲୋକପ୍ରିୟ ହାସ୍ୟ କଳାକାରମାନଙ୍କ ମଧ୍ୟରୁ ଅନ୍ୟତମ । କମେଡି ପାଇଁ ସମସ୍ତଙ୍କ ହୃଦୟରେ ରାଜ୍ କରୁଛନ୍ତି ଭାରତୀ । ରିଲ୍ ଲାଇଫରେ ସବୁବେଳେ ଚର୍ଚ୍ଚାରେ ଥିବା ଭାରତୀ ପୁଣିଥରେ ରିୟଲ୍ ଲାଇଫକୁ ନେଇ ଚର୍ଚ୍ଚାକୁ ଆସିଛନ୍ତି । ସୂଚନା ମୁତାବକ, ଏପ୍ରିଲ ୩, ୨୦୨୨ରେ ଏକ ଶିଶୁପୁତ୍ରକୁ ଜନ୍ମ ଦେଇଥିଲେ ଭାରତୀ । ମା’ ହେବାର ବର୍ଷକ ପରେ ଏବେ ଭାରତୀ ପୁଣି ଥରେ ଗର୍ଭବତୀ ଥିବା ଚର୍ଚ୍ଚା ହେଉଛି। ଭାରତୀଙ୍କର ଜଣେ ଭଲ ବନ୍ଧୁ ଅଭିନେତ୍ରୀ ଜସ୍ମିନ ଭସିନ ଭାରତୀ ପୁଣି ମା’ ହେବାକୁ ଯାଉଥିବା ନେଇ କହିଥିବା ଚର୍ଚ୍ଚା ହେଉଛି।
ସେପଟେ ଭାରତୀ ସିଂ ୨୦୧୭ରେ ହର୍ଷ ଲିମ୍ବାଚିଆଙ୍କୁ ବିବାହ କରିଥିଲେ। ବିବାହର ୫ବର୍ଷ ପରେ ଭାରତୀ ଓ ହର୍ଷ ତାଙ୍କ ପ୍ରଥମ ସନ୍ତାନ ଗୋଲାକୁ ସ୍ବାଗତ କରିଥିବାବେଳେ ଏବେ ପୁଣି ଥରେ ମା’ ହେବାକୁ ଯାଉଛନ୍ତି ଭାରତୀ ।
