ଓଡ଼ିଶା 365 (ବ୍ୟୁରୋ): ଡ୍ରାଇଭରଙ୍କ ଆଖି ଲାଗିଯିବାରୁ ଭାରସାମ୍ୟ ହରାଇ ଓଲଟିପଡିଲା ବସ୍ । ଅଳ୍ପକେବର୍ତ୍ତିଲେ ଯାତ୍ରୀ । ଏହିଭଳି ଦୁର୍ଘଟଣା ଦେଖିବାକୁ ମିଳିଛି କୋରାପୁଟ ଜିଲ୍ଲା ପଟ୍ଟାଙ୍ଗି ବ୍ଲକ୍ର ୨୬ ନଂ ଜାତୀୟ ରାଜପଥର ଯୋଡିମାଦେଲି ଘାଟି ନିକଟରେ ଦୁର୍ଘଟଣା । ବିଶାଖାପାଟଣା ଠାରୁ ଭବାନୀପାଟଣା ଅଭିମୁଖେ ଯାଉଥିବା ବସ ଦୁର୍ଘଟଣାଗସ୍ତ ହୋଇଛି । ସୁଙ୍କି ପୋଲିସ ଘଟଣାସ୍ଥଳରେ ପହଞ୍ଚି ଯାତ୍ରୀଙ୍କୁ ଉଦ୍ଧାର କରିଥିଲା ।
ବସ୍ ଚାଳକଙ୍କ ଆଖି ଲାଗିଯିବା ଫଳରେ ଗାଡ଼ିଟି ଭାରସାମ୍ୟ ହରାଇ ଦୁର୍ଘଟଣାଗସ୍ତ ହୋଇଥିଲା । ଏନେଇ ସୂଚନା ଦେଇଛି ପୋଲିସ । ତେବେ କୌଣସି ଯାତ୍ରୀ ଆହତ ହୋଇନଥିବା ସୂଚନା । ପୋଲିସ ଯାତ୍ରୀ ମାନଙ୍କୁ ଅନ୍ୟ ଗାଡ଼ିରେ ସୁରକ୍ଷିତ ଭାବେ ଗନ୍ତବ୍ୟସ୍ଥଳୀକୁ ପଠାଇଥିଲା । ସେପଟେ ନିଶ୍ଚିତ ଗୋଟିଏ ବଡ ଅଘଟଣରୁ ବର୍ତ୍ତିଯାଇଛନ୍ତି ଯାତ୍ରୀ ।
