ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ‘ଗଦର ୨’ । ସନି ଦେଓଲ ଓ ଅମିଷା ପଟେଲଙ୍କ ଫିଲ୍ମ ‘ଗଦର ୨’ ବକ୍ସ ଅଫିସରେ ହଇଚଇ ସୃଷ୍ଟି କରିଛି । ଏହାରି ଭିତରେ ଖୁବଶୀଘ୍ର ଓଟିଟି ପ୍ଲାଟଫର୍ମରେ ରିଲିଜ୍ ହେବାକୁ ଯାଉଛି ଫିଲ୍ମ ‘ଗଦର ୨’ । ଫ୍ୟାନ୍ସଙ୍କ ଭିତରେ ‘ଗଦର ୨’କୁ ନେଇ ବହୁତ କ୍ରେଜ୍ ରହିଥିବାବେଳେ , ବକ୍ସ ଅଫିସରେ ଏହି ଫିଲ୍ମ ୩୦୦ କୋଟି ଟଙ୍କାରୁ ଅଧିକ ରୋଜଗାର କରିସାରିଲାଣି । ଅନିଲ ଶର୍ମାଙ୍କ ନିର୍ଦ୍ଦେଶନାରେ ନିର୍ମିତ ହୋଇଥିବା ଏହି ଫିଲ୍ମ ‘ଗଦର ୨’ ଅନେକ ରେକଡ ଭାଙ୍ଗି ସାରିଛି । ଏହି ଫିଲ୍ମ ଓଟିଟିରେ ମଧ୍ୟ ବହୁତ ରେକର୍ଡ ଭାଙ୍ଗିବ ବୋଲି ନିର୍ଦ୍ଦେଶକ ଆଶା କରୁଛନ୍ତି ।
‘ଗଦର ୨’ କେବେ ଓଟିଟି ରେ ରିଲିଜ୍ ହେବ :
‘ଗଦର ୨’ ର ନିର୍ମାତା ଇ-ଟାଇମ୍ ସହ ବିଶେଷ କଥାବାର୍ତ୍ତାରେ ଏହାର ରିଲିଜ୍ ଡେଟ୍ ବିଷୟରେ ସୂଚନା ଦେଇଛନ୍ତି । ସେ କହିଛନ୍ତି ଯେ, ‘ଗଦର ୨’ ରିଲିଜ୍ ହେବା ଦୁଇ ମାସ ପରେ ଓଟିଟି ପ୍ଲାଟଫର୍ମରେ ରିଲିଜ ହେବ । ଓଟିଟିରେ ଏହି ଫିଲ୍ମର ରିଲିଜ ହେବାର ଡେଟ୍ ଫାଇନାଲ ହୋଇନାହିଁ । ତେବେ ଅନୁମାନ କରାଯାଉଛି ଯେ, ଏହି ଫିଲ୍ମ ଦୀପାବଳିରେ ଓଟିଟି ପ୍ଲାଟଫର୍ମରେ ଆସିପାରେ ।
