ଚନ୍ଦ୍ରଯାନ-୩ : ସଫଳ ଅବତରଣ ପାଇଁ ହୋମଯଜ୍ଞ, ନମାଜ ପାଠ ଜାରି

ଓଡ଼ିଶା 365(ବ୍ୟୁରୋ) : ଚନ୍ଦ୍ରଯାନ-୩ ବୁଧବାର ଚନ୍ଦ୍ରପୃଷ୍ଠରେ ନରମ ଅବତରଣ କରିବାପାଇଁ ଲକ୍ଷ୍ୟ ଧାର୍ଯ୍ୟ ହୋଇଛି। ଏହି ଐତିହାସିକ ମୁହୂର୍ତ୍ତକୁ ଦେଖିବାପାଇଁ ସାରା ଦେଶ ଅପେକ୍ଷା କରିଛି। ବଡ଼ କଥା ହେଉଛି ଚନ୍ଦ୍ରଯାନ-୩ର ସଫଳ ଅବତରଣ ପାଇଁ ସାରା ଦେଶରେ ପୂଜାର୍ଚ୍ଚନା ହେଉଛି । ଚନ୍ଦ୍ରଯାନ-୩ର ସଫଳତା ପାଇଁ କାମନା କରି ଲୋକମାନେ ହୋମ, ଯଜ୍ଞ ଓ ନମାଜ ପାଠ କରୁଛନ୍ତି । ଚନ୍ଦ୍ରଯାନ-୩ର ସଫଳତା ପାଇଁ କାମନା କରି ମୁମ୍ବାଇର ଚନ୍ଦ୍ରମୌଲେଶ୍ବର ଶିବ ମନ୍ଦିରରେ ଯଜ୍ଞ ହୋଇଛି । ସେହିପରି ଉତ୍ତରପ୍ରଦେଶର ଲକ୍ଷ୍ନୌରେ ମୁସଲିମମାନେ ଚନ୍ଦ୍ରଯାନ-୩ର ସଫଳତା ପାଇଁ କାମନା କରି ନମାଜ ପାଠ କରିଛନ୍ତି। ଆଗ୍ରା ଏବଂ ବାରଣାସୀରେ ମଧ୍ୟ ଲୋକମାନେ ଚନ୍ଦ୍ରଯାନ-୩ର ସଫଳତା ପାଇଁ ଯଜ୍ଞ କରିଥିବା ଦେଖିବାକୁ ମିଳିଛି ।