ଓଡ଼ିଶା 365 (ବ୍ୟୁରୋ): ବଲିଉଡର ଭାଇଜାନ୍ ସୁପରଷ୍ଟାର ସଲମାନ ଖାନ୍ ନ୍ୟୁ ବାଲ୍ଡ ଲୁକରେ ନଜର ଆସିଛନ୍ତି । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତାଙ୍କ ଅପକମିଂ ପିଲ୍ମ ‘ଟାଇଗର ୩’କୁ ନେଇ ପ୍ରାୟତଃ ଚର୍ଚ୍ଚା ଚାଲିଥିବାବେଳେ ,ଏବେ ପୁଣି ଚର୍ଚ୍ଚାକୁ ଆସିଛନ୍ତି ନ୍ୟୁ ବାଲ୍ଡ ଲୁକରେ । ଅଗଷ୍ଟ ୨୦ ତାରିଖରେ ବଲିଉଡ୍ ଭାଇଜାନ ମୁମ୍ବାଇର ଏକ ପାର୍ଟିରେ ନ୍ୟୁ ବାଲ୍ଡ ଲୁକ୍ରେ ନଜର ଆସିଛନ୍ତି । ଏହି ଭିଡିଓରେ ସଲମାନ ଖାନ୍ କାରରୁ ବାହାରକୁ ବାହାରିବାର ଦୃଶ୍ୟ ଦେଖିବାକୁ ମିଳିଛି । ସଲମାନଙ୍କ ଏହି ଲୁକ୍ରେ ଫ୍ୟାନ୍ସମାନେ ଭିନ୍ନ ଭିନ୍ନ ରିଆକ୍ସନ ଦେଉଛନ୍ତି ।
ସେପଟେ ଭାଇଜାନଙ୍କ ଏହି ଲୁକ୍ ପଛର କାରଣ ଜଣାପଡ଼ିନଥିବାବେଳେ ଫ୍ୟାନ୍ସଙ୍କ ଅନୁମାନ ଯେ ଫିଲ୍ମ ‘ତେରେ ନାମ ୨’ ହେବା ପାଇଁ ସଲମାନ୍ ରେଡି ହେଉଛନ୍ତି ବୋଲି ଶୁଣିବାକୁ ମିଳୁଛି । ଜଣେ ଫ୍ୟାନ୍ ଭିଡିଓରେ ରିଆକ୍ସନ ଦେଖି ଲେଖିଛନ୍ତି, ‘ତେରେ ନାମ ୨’ର ସ୍କ୍ରିପ୍ଟ ରେଡି’, ‘ଶାୟଦ ତେରେ ନାମ ୨ ଆସିବା ପାଇଁ ଯାଉଛି’ । ଅନ୍ୟ ଜଣେ ଲେଖିଛନ୍ତି ଯେ, ‘ତେରେ ନାମ ୨’ କମିଙ୍ଗ ସୁନ୍ ।
