ବାଇକରେ ବୁଲିବୁଲି ବିକୁଥିଲେ ବ୍ରାଉନସୁଗର, ୩ ଜଣଙ୍କୁ ବାନ୍ଧିଲା ପୋଲିସ

ଓଡ଼ିଶା 365 (ବ୍ୟୁରୋ) : ଦିନକୁ ଦିନ ରାଜ୍ୟରେ କାୟା ବିସ୍ତାର କଲାଣି ଧଳା ଜହର କାରବାର। ଏହି ରାକେଟର ଚେର ନୟାଗଡ଼କୁ ମଧ୍ୟ ଲମ୍ବିଛି। ବାଇକରେ ବୁଲିବୁଲି ବିକୁଥିଲେ ବ୍ରାଉନସୁଗର। ୩ ଜଣ ବ୍ରାଉନସୁଗର ବେପାରୀଙ୍କୁ ବାନ୍ଧିଲା ପୋଲିସ । ସେମାନଙ୍କ ଠାରୁ  ୧୨ ଗ୍ରାମ୍ ବ୍ରାଉନସୁଗାର ଜବତ କରାଯାଇଛି । ଏହା ସହ ଅଭିଯୁକ୍ତମାନଙ୍କ ଠାରୁ ଗୋଟିଏ ବାଇକ୍ ମଧ୍ୟ ଜବତ କରିଛି ପୋଲିସ । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୧ଲକ୍ଷ ୨୦ ହଜାର ଟଙ୍କା ହେବ ବୋଲି ପୋଲିସ କହିଛି । 

ସୂଚନାଯୋଗ୍ୟ,  ବିଶେଷସୂତ୍ରରୁ ଖବରପାଇ ରବିବାର ସନ୍ଧ୍ୟାରେ ନୟାଗଡ଼ ଇଟାମାଟି ପୋଲିସ ପ୍ରତାପପ୍ରସାଦ ନିକଟ ଭୈରବୀ ମନ୍ଦିର ପାଖରେ ଡେରା ପକାଇଥିଲା।  ଅଭିଯୁକ୍ତମାନଙ୍କ ହାବଭାବକୁ ଦେଖି ସେମାନଙ୍କୁ ଖାନତଲାସି କରିବାପରେ ବ୍ରାଉନସୁଗାର ମିଳିଥିଲା । ଅଭିଯୁକ୍ତମାନେ ନୟାଗଡ ଟାଉନଥାନା ଦୁର୍ଗାପ୍ରସାଦ ଗାଁର ରମେଶ ଜେନା , ରବି ପ୍ରଧାନ ଏବଂ ଟୁକୁନା ରାଉତ । ଅଭିଯୁକ୍ତମାନେ ବାଇକରେ ଯାଇ ବିଭିନ୍ନ ସ୍ଥାନରେ ବ୍ରାଉନସୁଗାର ବିକ୍ରି କରୁଥିଲେ ବୋଲି ପୋଲିସ ସୂଚନା ଦେଇଛି ।