ଉଦ୍ୟୋଗରତ୍ନ ସମ୍ମାନରେ ସମ୍ମାନିତ ହେଲେ ରତନ ଟାଟା

ଓଡ଼ିଶା 365:(ବ୍ୟୁରୋ) ବିଶିଷ୍ଟ ଉଦ୍ୟୋଗପତି ରତନ ଟାଟାଙ୍କୁ ଉଦ୍ୟୋଗରତ୍ନ ସମ୍ମାନରେ ସମ୍ମାନିତ  ହୋଇଛନ୍ତି । ଏହି ସମ୍ମାନ ଗ୍ରହଣ କରିବାରେ ରତନ ଟାଟା ହେଉଛନ୍ତି ପ୍ରଥମ ବ୍ୟକ୍ତି । ମହାରାଷ୍ଟ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ତାଙ୍କୁ ଏହି ସମ୍ମାନରେ ସମ୍ମାନରେ ସମ୍ମାନିତ କରିଛନ୍ତି । ଦଣିଣ ମୁମ୍ବାଇର କୋଲାବା ସ୍ଥିତ ନିଜ ବାସଭବନରେ ତାଙ୍କୁ ଏହି ପୁରସ୍କାର ଦିଆଯାଇଛି । ଏହି ଅବସରରେ ମୁଖ୍ୟମନ୍ତ୍ରୀ ସିନ୍ଦେ କହିଛନ୍ତି, ରତନ ଟାଟାଙ୍କୁ ଏହି ସମ୍ମାନ ଦିଆଯିବା ପରେ ଏହି ପୁରସ୍କାରର ସମ୍ମାନ ଆହୁରି ବଢିଯାଇଛି । ସେହିପରି ପ୍ରତିଟି କ୍ଷେତ୍ରରେ ଟାଟା ଗ୍ରୁପର ଯୋଗଦାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି ମୁଖ୍ୟମନ୍ତ୍ରୀ ସିନ୍ଦେ । ଏହାସହ ଟାଟା ହେଉଛି ବିଶ୍ୱାସର ପ୍ରତିକ ବୋଲି କହିଛନ୍ତି ମୁଖ୍ୟମନ୍ତ୍ରୀ ଏକନାଥ ସିନ୍ଦେ । ପୁରସ୍କାର ଗ୍ରହଣ କରିବା ପରେ ସମସ୍ତଙ୍କୁ ଧନ୍ୟବାଦ ଦେଇଛନ୍ତି ରତନ ଟାଟା । 

ଚଳିତ ବର୍ଷ ରତନ ଟାଟାଙ୍କୁ ଅଷ୍ଟ୍ରେଲିଆର ସର୍ବୋଚ୍ଚ ସମ୍ମାନ ‘ଅର୍ଡର ଅଫ ଅଷ୍ଟ୍ରେଲିଆ’ରେ ମଧ୍ୟ ସମ୍ମାନିତ କରାଯାଇଛି । ଅର୍ଡର ଅଫ ଅଷ୍ଟ୍ରେଲିଆ ହେଉଛି ଅଷ୍ଟ୍ରେଲିଆର ସର୍ବୋଚ୍ଚ ନାଗରିକ ସମ୍ମାନ ।