ଓଡ଼ିଶା ୩୬୫
(ବ୍ୟୁରୋ):ଭାରତ ଓ ପାକିସ୍ତାନ ମଧ୍ୟରେ ଖେଳାଯିବଏକ ବଡ଼ ମ୍ୟାଚ । ଏସିଆ କପରେ ଭାରତୀୟ ଦଳ
ଶ୍ରୀଲଙ୍କାରେ ସମସ୍ତ ମ୍ୟାଚ୍ ଖେଳିବ। ଏଥିସହିତ ପାକିସ୍ତାନବି ଭାରତ ବିପକ୍ଷ ମ୍ୟାଚ୍ ଖେଳିବାକୁ
ଶ୍ରୀଲଙ୍କା ଆସିବ ।ଏସିଆ କପରେ ପାକିସ୍ତାନ ବିପକ୍ଷରେ ସେପ୍ଟେମ୍ବର ୨ ତାରିଖରେ ଭାରତ ତାର
ପ୍ରଥମ ମ୍ୟାଚ ଖେଳିବ । ଏହା ପରେ ଭାରତ ଗ୍ରୁପ ଷ୍ଟେଜରେ ୪ ସେପ୍ଟେମ୍ବରରେ ନେପାଳକୁ ଭେଟିବ ।
ପୁନର୍ବାର ସୁପର ୪ ରାଉଣ୍ଡରେ ୧୦ ତାରିଖରେ କଲମ୍ବୋରେ ପାକିସ୍ତାନକୁ ଭେଟିବ ଭାରତ ।
ପୂର୍ବରୁ
ପାକିସ୍ତାନ କ୍ରିକେଟ ଦଳର ପୂର୍ବତନ ଦ୍ରୁତ ବଲର ସୋଏବ ଅଖତାର ଦେଇଥିବା ଏକ ବୟାନ ଚର୍ଚ୍ଚାର
ପରିସରକୁ ଆସିଛି। ସମୟସମୟରେ କ୍ରିକେଟର ସୋଏବ ଭାରତୀୟ କ୍ରିକେଟରମାନଙ୍କୁ ନେଇ ଏମିତି କିଛି
ପ୍ରତିକ୍ରିୟା ଦେଇଥାଆନ୍ତି ଯାହାକୁ ନେଇ ଅନେକ ସମୟରେ ବିବାଦ ମଧ୍ୟ ଦେଖା ଦେଇଥାଏ। ନିକଟରେ
ସୋଏବ ଏକ ସାକ୍ଷାତକାରରେ କହିଛନ୍ତି, ‘ପାକିସ୍ତାନୀ
କ୍ରିକେଟର ଭାରତରୁ ପରୋକ୍ଷ ଭାବେ ଆସୁଥିବା ଟଙ୍କାରେ ବଞ୍ଚୁଛନ୍ତି । ଭାରତରୁ ଯେଉଁ ରେଭିନ୍ୟୁ
ଇଣ୍ଟରନ୍ୟାସନାଲ କ୍ରିକେଟ କାଉନସିଲ ଆଇସିସିକୁ ଯାଇଥାଏ ସେହି ରେଭିନ୍ୟୁର କିଛି ଅଂଶ
ପାକିସ୍ତାନକୁ ମଧ୍ୟ ଆସିଥାଏ । ଏହାଦ୍ବାରା ଆମର ଘରୋଇ କ୍ରିକେଟରଙ୍କୁ ମ୍ୟାଚ ଫିସ ମିଳିଥାଏ । ତେବେ ଅପରପକ୍ଷେ ଦେଖିବାକୁଗଲେ ପାକିସ୍ତାନ ଭାରତ ଉପରେ ଅନେକ ଦିଗରେ ନିର୍ଭରଶୀଳ ।
