ଓଡ଼ିଶା365(ବ୍ୟୁରୋ): ଆଜି ପାର୍ସୀମାନଙ୍କର ନୂଆବର୍ଷ, ଅନ୍ଧାର ଉପରେ ଆଲୋକର ବିଜୟର ପ୍ରତୀକ। ଆଜିର ଦିନକୁ ପୁନର୍ଜନ୍ମର ଦିନ ବୋଲି ମଧ୍ୟ କୁହାଯାଏ। ପାର୍ସୀ ନୂଆବର୍ଷ ନାଭ୍ରୋଜ୍ କିମ୍ବା ନୋରୁଜ୍ ନାମରେ ମଧ୍ୟ ବେଶ ଜଣାଶୁଣା, ନାଭ୍ରୋଜ୍ ଶବ୍ଦର ଅର୍ଥ ହେଉଛି ନୂତନ ଦିନ। ଏକ ନୂତନ ଆରମ୍ଭ ଏବଂ ଆଗାମୀ ସମୃଦ୍ଧ ବର୍ଷ ପାଇଁ ଆଶା ସୂଚାଇଥାଏ । ଏହା ଏକ ଆନନ୍ଦର ଉତ୍ସବ। ଯାହା ଭାରତ ତଥା ସମଗ୍ର ବିଶ୍ୱରେ ସମ୍ପ୍ରଦାୟ ଦ୍ୱାରା ପାଳନ କରାଯାଇଥାଏ ପ୍ରତିବର୍ଷ ଆଜିର ଦିନରେ। ଏହିଦିନ ଆରମ୍ଭ ହୁଏ ଜୋରାଷ୍ଟ୍ରିଆନ୍ କ୍ୟାଲେଣ୍ଡରରୁ । ଏକାଠି ହୁଅନ୍ତି ପରିବାର,ବନ୍ଧୁ ବର୍ଗ ସଭିଏଁ। ସବୁଠି ଉତ୍ସବ,ଭୋଜିଭାତ ଶୁଭେଛାର ଆସର ଜମେ।
ପରିବାରର ସଭିଏଁ,ନିଜ ସଂସ୍କୃତି ପରମ୍ପରାକୁ ବଜାୟ ରଖନ୍ତି। ନିଜେ କରିଥିବା ଭୁଲ ଲାଗି ଅନୁପାତ କରିବା ସହ ନୂତନ କାର୍ୟ୍ୟ କରିବାକୁ ସଂକଳ୍ପ ନିଅନ୍ତି ଦୁଃଖର ଦିନକୁ ଭୁଲି। ବିଶ୍ବାସ ରହିଛି ଇଶ୍ବରଙ୍କ ଆର୍ଶୀବାଦ ବର୍ଷିଥାଏ ସଭିଙ୍କ ଉପରେ । ସଭିଙ୍କ ଜୀବନରେ ଭଗବାନ ହିଁ ଭରିଦେଇଥାନ୍ତି ସୁଖ ସମୃଦ୍ଧି। ସଭିଙ୍କ ମଧ୍ୟରେ ଭାଇଚାରା ରହିଥାଏ। ଯାହା ପାର୍ସୀ ନୂତନ ବର୍ଷକୁ ଆଲୋକିତ କରେ ହସ,ପ୍ରେମ ଅସୀମ ସମ୍ଭାବନା ସହ। ସ୍ଥିରତା ଏବଂ ପୂର୍ଣ୍ଣତା ଆଣିଥାଏ ମଣିଷ ଜୀବନରେ। ଭାରତରେ ପାର୍ସୀ ନୂତନ ବର୍ଷର ଇତିହାସ ମଧ୍ୟ ରହିଛି। ପୃଥିବୀର ଅନେକ ଦେଶରେ ଭର୍ନାଲ୍ ସମୀକରଣ ସମୟରେ ପାଳନ କରାଯାଏ । ଭାରତରେ, ଉଭୟ ଇରାନ ଏବଂ ଶାହେନ୍ସାହି କ୍ୟାଲେଣ୍ଡରକୁ ବିଚାର କରି ଏହା ପାଳନ କରାଯାଏ ।
ନାଭ୍ରୋଜ୍ ପର୍ବ, ନୋରୁଜ୍ କିମ୍ବା ପାର୍ସୀ ନୂତନ ବର୍ଷ ନାମରେ ମଧ୍ୟ ଜଣାଶୁଣା, ଯାହା ଜୋରାଷ୍ଟ୍ରିଆନ୍ ଧର୍ମକୁ ପାଳନ କରୁଥିବା ପାର୍ସୀ ଲୋକମାନଙ୍କର ଗୋଷ୍ଠୀ ଦ୍ୱାରା ପାଳନ କରାଯାଏ, ବସନ୍ତର ଆରମ୍ଭ ଏବଂ ପ୍ରକୃତିର ନବୀକରଣକୁ ଚିହ୍ନିତ କରେ । ଅନ୍ଧକାର ଉପରେ ବସନ୍ତର ବିଜୟର ପ୍ରତୀକ ଭାବରେ ଏହି ପର୍ବ ଅନେକ ଦେଶରେ ଭର୍ନାଲ୍ ଇକ୍ୱିନକ୍ସ ସମୟରେ ପାଳନ କରାଯାଏ ଯେଉଁଠାରେ ପାରସ୍ୟ ସଂସ୍କୃତି ଭାରତ, ଇରାନ, ଇରାକ, ଆଫଗାନିସ୍ତାନ ଏବଂ ମଧ୍ୟ ଏସିଆର କିଛି ଅଂଶରେ ପ୍ରସିଦ୍ଧତା ପାଇଥାଏ । ମୃତମାନଙ୍କ ଆତ୍ମା ନିଜ ପ୍ରିୟଜନଙ୍କୁ ଦେଖିବା ପାଇଁ ଏବଂ ଏହି ଦିନ ସେମାନଙ୍କ ଉପରେ ଆଶୀର୍ବାଦ ଦେବା ପାଇଁ ପୃଥିବୀକୁ ଫେରିଥାନ୍ତି ବୋଲି ବିଶ୍ବାସ ରହିଛି। ପାର୍ସୀ ପ୍ରାର୍ଥନା କରନ୍ତି ଏବଂ ପରିବାର ସଦସ୍ୟ ଏବଂ ପିତୃପୁରୁଷଙ୍କୁ ମନେ ପକାଇବାର ପରମ୍ପରା ରହିଛି । ମହାରାଷ୍ଟ୍ର ଏବଂ ଗୁଜରାଟରେ ପାର୍ସୀ ଜନସଂଖ୍ୟା ଅଧିକ ଥିବାରୁ ସେଠାରେ ଧୁମଧାମରେ ପାଳିତ ହୋଇଥାଏ ପାର୍ସୀ ନୂଆବର୍ଷ। ପାର୍ସୀଙ୍କର ନୂଆ ବର୍ଷରେ ସଭିଙ୍କୁ ଶୁଭେଛା ଓ ଅଭିନନ୍ଦନ।
