ଓଡ଼ିଶା 365 (ବ୍ୟୁରୋ): ଛାଡ଼ପତ୍ର ପରେ ପ୍ରେମରେ ପଡ଼ିଲେ ଲୋକ ପ୍ରିୟ ଅଭିନେତ୍ରୀ ମାହିରା ଖାନ୍ । ୩୮ ବର୍ଷ ବୟସରେ ଦ୍ୱିତୀୟ ବିବାହ କରିବେ ମାହିରା । ମାହିରା ଖାନ୍ ହେଉଛନ୍ତି ପାକିସ୍ଥାନର ବହୁ ଲୋକପ୍ରିୟ ଅଭିନେତ୍ରୀ । ଯିଏ ବଲିଉଡର କିଙ୍ଗଖାନ୍ ଶାରୁଖଙ୍କ ସହ ଏବଂ ରନବୀରଙ୍କ ସହ ମଧ୍ୟ କାମ କରିଛନ୍ତି ଏହି ପାକିସ୍ତାନୀ ଅଭିନେତ୍ରୀ । ଖାଲି ସେତିକି ନୁହେଁ ଏହି ତାରକା ପାକିସ୍ତାନୀ ମନୋରଞ୍ଜନ ଇଣ୍ଡଷ୍ଟ୍ରିରେ ନିଜର ଏକ ଚମତ୍କାର କ୍ୟାରିୟର କରିଛନ୍ତି । ତେବେ ଭାରତରେ ମାହିରା ନିଜର କିଛି କାର୍ଯ୍ୟକଳାପ ପାଇଁ ଟ୍ରୋଲ ହୋଇଛନ୍ତି ସତ, ତେବେ ଭାରତରେବି ନିଜର ଲୋକ ପ୍ରିୟତା ବଯାଏ ରଖିଛନ୍ତି ।
ମାହିରା କେବଳ ଜଣେ ଦକ୍ଷ ଅଭିନେତ୍ରୀ ନୁହଁନ୍ତି ସେ ଜଣେ ସଫଳ ଉଦ୍ୟୋଗୀ ମଧ୍ୟ । ଯିଏ ଏକ ଫ୍ୟାଶନ୍ ପୋର୍ଟାଲ୍, ପୋଷାକ ବ୍ରାଣ୍ଡ ଏବଂ ଏକ ପ୍ରଡକ୍ସନ୍ ହାଉସ୍ ଚଳାନ୍ତି । ବର୍ତ୍ତମାନ ପାକିସ୍ତାନୀ ଗଣମାଧ୍ୟମରେ ପ୍ରକାଶିତ କିଛି ରିପୋର୍ଟ ଅନୁଯାୟୀ, ୩୮ ବର୍ଷୀୟା ଅଭିନେତ୍ରୀ ପୁଣିଥରେ ପ୍ରେମରେ ପଡିଛନ୍ତି । ତେବେ ଆସନ୍ତା ମାସରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ମାହିରା । ମାହିରା ସେପ୍ଟେମ୍ବର ୨୦୨୩ରେ ସଲିମ କରିମଙ୍କୁ ବିବାହ କରିବେ।
ଏହି ବିବାହରେ ଯୋଗଦେବେ କେବଳ ଘନିଷ୍ଠ ପରିବାର ଏବଂ ସାଙ୍ଗମାନେ । ଏହି ସମୟରେ ମେଗା ଲାଇଫ ଷ୍ଟାଇଲ ଟିଭିରେ ପ୍ରକାଶିତ ଏକ ରିପୋର୍ଟରେ କୁହାଯାଇଛି ଯେ ପାକିସ୍ତାନର ପଞ୍ଜାବ ଅଞ୍ଚଳର ଏକ ହିଲ୍ ଷ୍ଟେସନରେ ଏହି ସମାରୋହ ଅନୁଷ୍ଠିତ ହେବ। ତାଙ୍କ ପ୍ରଥମ ବିବାହ ୨୦୦୭ରେ ହୋଇଥିଲା ତେବେ ୨୦୧୫ରେ ଦୁହେଁ ଅଲଗା ହୋଇଯାଇଥିଲେ । ବର୍ତ୍ତମାନ ସେ ଦୀର୍ଘ ସମୟ ଧରି ସଲିମ୍ କରିମ୍ ସହିତ ରିଲେଶନସିପ୍ରେ ଅଛନ୍ତି । ଏବେ କିନ୍ତୁ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି କି ୩୮ ବର୍ଷରେ ମାହିରା ପୁଣି ବିବାହ କରିବାକୁ ଯାଉଛନ୍ତି । ଯାହା ତାଙ୍କ ପ୍ରସଂସକଙ୍କୁ ଚକିତ କରିଛି ।
