ଭାରତୀୟ ସେନାର ବଳ ବଢ଼ାଇବ ଆପାଚେ ହେଲିକପ୍ଟର

ଓଡ଼ିଶା 365:(ବ୍ୟୁରୋ) ଭାରତୀୟ ସେନାରେ ସାମିଲ୍‌ ହେବ ଆପାଚେ ଲଢୁଆ ହେଲିକପ୍ଟର। ଏଏଏଚ-୬୪ ଆପାଚେ ହେଲିକପ୍ଟର ଲଢୁଆ ଭାରତୀୟ ସେନା ବାହିନୀରେ ସାମିଲ ହେବ । ଏନେଇ ପ୍ରତିରକ୍ଷା ବିଭାଗ ତରଫରୁ ସୂଚନା ମିଳିଛି । ସୂଚନା ଅନୁସାରେ, ଆମେରିକୀୟ ଏରୋସ୍ପେସ ବୋଇଙ୍ଗ କମ୍ପାନୀ ଏହି ଲଢୁଆ ହେଲିକପ୍ଟର ନିର୍ମାଣ ଆରମ୍ଭ କରିଛି। କମ୍ପାନୀ ସମୁଦାୟ ୬ଟି ଏଏଏଚ-୬୪ଇ ଆପାଚେ ହେଲିକପ୍ଟର ଭାରତୀୟ ସେନାକୁ ଦେବ ବୋଲି ଜଣାପଡିଛି । ଏଏଏଚ-୬୪ ଆପାଚେ ଦୁନିଆର ସବୁଠାରୁ ଉନ୍ନତମାନର ଲଢୁଆ ହେଲିକପ୍ଟର ମଧ୍ୟରୁ ଅନ୍ୟତମ। ଏହି ହେଲିକପ୍ଟରକୁ କେବଳ ଆମେରିକା ସେନା ବ୍ୟବହାର କରିଥାଏ। ୨୦୨୪ ସୁଦ୍ଧା ଭାରତୀୟ ସେନାକୁ ଏହି ଲଢିଆ ହେଲିକପ୍ଟର ମିଳିବ ବୋଲି ସୂଚନା ମିଳିଛି ।