ଆସନ୍ତା ୧୮ ଯାଏଁ ଉଡ଼ାଣ ବାତିଲ କଲା ଗୋ ଫାର୍ଷ୍ଟ

ଓଡ଼ିଆ 365:(ବ୍ୟୁରୋ) ପୁଣିଥରେ ଗୋ ଫାର୍ଷ୍ଟ ବିମାନର ଉଡ଼ାଣ ବନ୍ଦ ରହିବ । ଆସନ୍ତା ୧୮ ପର୍ଯ୍ୟନ୍ତ ବିମାନ ଉଡାଣ ବନ୍ଦ ରହିବ ବୋଲି ଗୋ ଫାର୍ଷ୍ଟ ପକ୍ଷରୁ ସୂଚନା ଦିଆଯାଇଛି । ଗୋ ଫାର୍ଷ୍ଟର ସୂଚନା ଅନୁସାରେ, ପୁରୁଣା କାରଣଗୁଡ଼ିକ ପାଇଁ ବିମାନ ଚଳାଚଳ ବନ୍ଦ ରହିବ । ଯାହାକୁ ନେଇ ଯାତ୍ରୀମାନଙ୍କୁ କ୍ଷମା ମାଗିଛି ଗୋ ଫାର୍ଷ୍ଟ । ଗୋ ଫାର୍ଷ୍ଟ ବିମାନର ଉଡାଣ ସଙ୍କଟ ଶେଷ ହେବାର ନାଁ ଧରୁନାହିଁ। ମଇ ୩, ୨୦୨୩ରୁ ଆର୍ଥିକ ସଙ୍କଟର ସମ୍ମୁଖୀନ ହେଉଛି । ଏହି କାରଣରୁ କମ୍ପାନୀ ବିମାନ ଚଳାଚଳ ବାତିଲ କରିବାକୁ ଘୋଷଣା କରିଥିଲା। ସୂଚନାଯୋଗ୍ୟ ଯେ ବିମାନ ଚଳାଚଳ କ୍ଷେତ୍ରର ନିୟାମକ ଡିଜିସିଏ ଗୋ ଫାର୍ଷ୍ଟକୁ ସର୍ତ୍ତ ସହିତ ଉଡ଼ାଇବାକୁ ଅନୁମୋଦନ କରିଛି।