ଓଡ଼ିଶା ୩୬୫ (ବ୍ୟୁରୋ):
ବାରମ୍ବାର ଅସଫଳ ହେଉଛନ୍ତି କି ? ଧନସମ୍ପତ୍ତିର ଅଭାବ ଲାଗି ରହୁଛି କି ? ଘରେ ସବୁବେଳେ ଝଗଡା ଲାଗିରହୁଛି କି ? କଣ ଆପଣଙ୍କ କ୍ଷେତ୍ରରେ ବି ଏପରି ସମସ୍ୟା ଦେଖାଦେଉଛି କି ? ତେବେ ଏଥିରୁ ମୁକ୍ତି ପାଇବା ପାଇଁ ହାତରେ ବାନ୍ଧନ୍ତୁ ରକ୍ଷାସୂତ୍ର । ହାତରେ ରକ୍ଷାସୂତ୍ର ଧାରଣ କରିବା ଦ୍ୱାରା ଅନେକ ସଫଳତା ମିଳିଥାଏ । ହେଲେ ଆପଣଙ୍କ ରାଷି ସହ ରକ୍ଷାସୂତ୍ରର ସାମଞ୍ଜସ୍ୟ ରହିଛି ।
ମେଷ, ସିଂହ ଓ ବିଛା ରାଶିର ବ୍ୟକ୍ତି ବିଶେଷ ଲାଲ ରଙ୍ଗର ରକ୍ଷାସୂତ୍ର ପିନ୍ଧନ୍ତୁ। ଏହାଦ୍ୱାରା ପ୍ରଭୁ ହନୁମାନଙ୍କ ବିଶେଷ କୃପା ପ୍ରାପ୍ତି ହୋଇଥାଏ । ବୃଷ, କର୍କଟ ଓ ତୁଳା ରାଶିର ବ୍ୟକ୍ତି ବିଶେଷ ହାତରେ ଧଳା ରଙ୍ଗର ରକ୍ଷାସୂତ୍ର ପିନ୍ଧନ୍ତୁ। ଏହାଦ୍ୱାରା କର୍ମକ୍ଷେତ୍ରରେ ସଫଳତା ମିଳିଥାଏ।
ସେହିପରି ମିଥୁନ ଓ କନ୍ୟା ରାଶିର ବ୍ୟକ୍ତି ହାତରେ ସବୁଜ ରଙ୍ଗର ରକ୍ଷାସୂତ୍ର ପିନ୍ଧନ୍ତୁ। ଧନୁ ଓ ମୀନ ରାଶିର ବ୍ୟକ୍ତି ବିଶେଷ ହାତରେ ହଳଦିଆ ରଙ୍ଗର ରେଶମୀ ରକ୍ଷାସୂତ୍ର ପିନ୍ଧନ୍ତୁ। ସେହିପରି ମକର ଓ କୁମ୍ଭ ରାଶିର ବ୍ୟକ୍ତି ବିଶେଷ ହାତରେ ନୀଳ ରଙ୍ଗର ରକ୍ଷାସୂତ୍ର ପିନ୍ଧନ୍ତୁ। ଏହାଦ୍ୱାରା ଆପଣଙ୍କୁ ସବୁ କ୍ଷେତ୍ରରେ ସଫଳତା ମିଳିବା ସହ ଭଗବାନଙ୍କ ଆଶିଷ ଲାଭ ହୋଇଥାଏ ।
