ଓଡ଼ିଶା 365 (ବ୍ୟୁରୋ): ରାଜ୍ୟରେ ବୃଦ୍ଧି ପାଇବାରେ ଲାଗିଛି ଧଳାଜହର କାରବାର । କିନ୍ତୁ ରାଜଧାନୀ ଭୁବନେଶ୍ୱରରେ ଏହାର ପରିମାଣ ଅଧିକ ଦେଖିବାକୁ ମିଳିଥାଏ । ୟାରିଭିତରେ ସାମ୍ନାକୁ ଆସିଛି ଏକ ଏପରି ବ୍ରାଉନସୁଗର ବେବସାୟୀ, ଆପଣବି ଜାଣିଲେ ହୋଇଯିବେ ଆଶ୍ଚର୍ଯ୍ୟ । ପ୍ରେମିକାକୁ ଖୁସୀ କରିବା ପାଇଁ ପ୍ରେମିକ କରୁଥିଲା ଧଳାଜହର ବେପାର । ତେବେ ବିଶେଷ ସୂତ୍ରରୁ ପୋଲିସ ସୂଚନାପାଇଁ ଲଗାତର ଭାବେ ନଜର ରଖିଥିଲା ଏହି ବ୍ରାଉନସୁଗାର ବେପାରୀ ଦୀପକ ସଉପରେ ।
ମଙ୍ଗଳବାର ଦିନ କମିଶନରେଟ୍ ପୋଲିସ ଚଢାଉ କରି ଦୀପକ ବେହେରା ନାମକ ଜଣେ ବ୍ରାଉନ୍ସୁଗାର ବେପାରୀକୁ ଗିରଫ କରିଛି । ତା ନିକଟରୁ ୨୮୦ ଗ୍ରାମର ବ୍ରାଉନ୍ସୁଗାର ଜବତ ମଧ୍ୟ କରିଛି ପୋଲିସ । ଯାହାର ଆନୁମାନିକ ମୂଲ୍ୟ ପ୍ରାୟ ୨୮ ଲକ୍ଷ ହେବ ବୋଲି ପୋଲିସ ତରଫରୁ ଆଜି ସୂଚନା ଦିଆଯାଇଛି । ସେପଟେ ଏହି ବ୍ରାଉନ୍ସୁଗାର କାରବାରରେ ଆଉ କିଏ କିଏ ସାମିଲ ଅଛନ୍ତି । ସେନେଇ ତଦନ୍ତ ଆରମ୍ଭ କରିଛି କମିଶନରେଟ ପୋଲିସ ।ଏନେଇ ସୂଚନା ଦେଇଛନ୍ତି ଭୁବନେଶ୍ୱର ଡିସିପି ପ୍ରତୀକ ସିଂହ ।
