ହିମାଚଳପ୍ରଦେଶରେ ବାଦଲଫଟା ବର୍ଷା: ୯ ମୃତ

ନ୍ୟୁଜ 365 (ବ୍ୟୁରୋ): ହିମାଚଳବାସୀଙ୍କ ପାଇଁ ଅଭିଷାପ ପାଲଟିଛି ବାଦଲଫଟା ବର୍ଷା । ଏହାରି ଭିତରେ ହିମାଚଳପ୍ରଦେଶରେ ଆଉ ଏକ ବଡ଼ ବିପର୍ୟ୍ୟୟ ଘଟିଛି। ସୋଲାନ ଜିଲ୍ଲାରେ ବାଦଲଫଟା ବର୍ଷା ହୋଇଛି। ଜିଲ୍ଲାର କାନ୍ଦାଘାଟ ସବଡିଭିଜନର ମମଲିଗ ଉପତହସିଲର ଜାଡନ ଗ୍ରାମରେ ରାତି ସାଢ଼େ ଗୋଟାଏ ସମୟରେ ଦୁଇ ଘର ଏବଂ ଗୋଟିଏ ଗୋଶାଳ ବନ୍ୟା ଜଳରେ ଭାସି ଯାଇଛି। ଏହି ଘଟଣାରେ ୯ଜଣଙ୍କର ମୃତ୍ୟୁ ହୋଇଛି। ଏର୍ୟ୍ୟନ୍ତ ଚାରିଜଣଙ୍କ ମୃତଦେହ ଉଦ୍ଧାର କରାଯାଇଛି। ଏହାବ୍ୟତୀତ ପୁରା ରାଜ୍ୟରେ ଭୂ-ସ୍ଖଳନ ଜାରି ରହିଛି। ଏଥିପାଇଁ ଯାତାୟତ ବନ୍ଦ ରହିଛି। ମଣ୍ଡିରେ ମଧ୍ୟ ବର୍ଷା ଏବଂ ଭୂ-ସ୍ଖଳନର ଭୟଙ୍କର ରୂପ ଦେଖିବାକୁ ମିଳିଛି। ରାଜ୍ୟରେ ଅରେଞ୍ଜ ଆଲର୍ଟ ଜାରି ରହିଛି ଏବେ ବି ଜିଲ୍ଲାରେ ପ୍ରବଳ ବର୍ଷା ଲାଗି ରହିଛି। ଦୁଇ ପରିବାରର ସଦସ୍ୟ ରିତୁ ରାମ ଏବଂ କମଲେଶଙ୍କୁ ଉଦ୍ଧାର କରାଯାଇଛି।