‘ହିନ୍ଦୁସ୍ତାନ ଜିନ୍ଦାବାଦ’, ‘ପାକିସ୍ତାନ ମୁର୍ଦାବାଦ’ ନାରା ଦେଇ ଚର୍ଚ୍ଚାରେ ସୀମା ହାଇଦର

ନ୍ୟୁଜ 365 (ବ୍ୟୁରୋ):ସୀମା ହାଇଦରକୁ ପୁଣି ଚର୍ଚ୍ଚା ଜୋର ଧରିଛି । ହିନ୍ଦୁସ୍ତାନ ଜିନ୍ଦାବାଦ ଓ ପାକିସ୍ତାନ ମୁର୍ଦାବାଦ ଏଭଳି କିଛି ନାରେ ଦେଇ ପୁଣି ଚର୍ଚ୍ଚାର ପରିସରକୁ ଆସିଛନ୍ତି ସୀମା ହାଇଦର । ହର ଘର ତ୍ରିରଙ୍ଗା ଅଭିଯାନରେ ସାମିଲ ହୋଇ ତ୍ରିରଙ୍ଗା ପତାକା ଉଡାଉଛନ୍ତି ସୀମା ହାଇଦର । ଏହି ସମୟରେ ସେ ଜୋର ଜୋର ରେ ପାକିସ୍ତାନ ମୁର୍ଦାବାଦ ବୋଲି କହିଛନ୍ତି । ସେହି ମୁହୁର୍ତ୍ତର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭାଇରାଲ ଭିଡିଓରେ ସୀମା ହାଇଦର, ସଚିନ୍ ଏବଂ ସେମାନଙ୍କ ଓକିଲ ଏପି ସିଂ ଉତ୍ସାହର ସହ “ଜୟ ଭାରତ ମାତା” ଏବଂ “ହିନ୍ଦୁସ୍ତାନ ଜିନ୍ଦାବାଦ” ସ୍ଲୋଗାନ ଦେଇଛନ୍ତି। ଆସନ୍ତାକାଲି ଭାରତ ୭୭ତମ ସ୍ୱାଧୀନତା ଦିବସ ପାଳନ କରିବାକୁ ଯାଉଥିବା ବେଳେ ଭାବପ୍ରବଣ ହୋଇ ଏଭଳି କହିଛନ୍ତି ପାକିସ୍ତାନୀ ମହିଳା ସୀମା ହାଇଦର ।