ଗୁଜୁରାଟରେ ଭୟଙ୍କର ଦୁର୍ଘଟଣା; ୧୦ ମୃତ

ନ୍ୟୁଜ୍ 365 (ବ୍ୟୁରୋ): ଟ୍ରକ୍ କୁ ଧକ୍କା ଦେଲା ଟାଟାମ୍ୟାଜିକ୍ । ଦୁର୍ଘଟଣାରେ ୧୦ଜଣଙ୍କର ମୃତ୍ୟୁ ଏଭଳି ଭୟଙ୍କର ଦୁର୍ଘଟଣା ଘଟିଛି ଗୁଜରାଟ ବାବଲା-ବଗୋନରା ହାଇଓ୍ବେରେ । ଦ୍ରୁତ ଗତିରେ ଆସୁଥିବା ଏକ ମିନି ଟ୍ରକ୍ ଅନ୍ୟ ଏକ ଟ୍ରକ୍ ସହ ଧକ୍କା ହୋଇଥିଲା । ଘଟଣା ସ୍ଥଳରେ ପହଞ୍ଚିଛି ପୋଲିସ୍‌ ଆହତଙ୍କୁ ଉଦ୍ଧାର କରିଛି । ତେବେ ଏହି ଦୁର୍ଘଟଣାରେ ୧୦ ଜଣଙ୍କର ମୃତ୍ୟୁ ହୋଇଥିବା ସ୍ପଷ୍ଟ କରିଛନ୍ତି ଏସ୍ ପି ଅହମଦାବାଦ ଗ୍ରାମୀଣ । ସୂଚନା ଅନୁଯାୟୀ, ଚୋଟିଲା ମାତା ଦର୍ଶନ ସାରି ଫେରୁଥିବା ଏକ ଟାଟା ମ୍ୟାଜିକ୍‌ ହାଇଓ୍ବେରେ ଛିଡ଼ା ହୋଇଥିବା ଏକ ଟ୍ରକ୍‌କୁ ଦେଇଥିଲା ଧକ୍କା । ତେବେ ଏହି ଦୁର୍ଘଟଣାରେ ମୃତକଙ୍କ ମଧ୍ୟରେ ପାଞ୍ଚ ମହିଳା, ତିନି ଶିଶୁ ଏବଂ ଦୁଇ ପୁରୁଷ ରହିଥିଲେ ।

ମିନି ଟ୍ରକ୍‌ରେ ପ୍ରାୟ ୧୩ ଜଣ ଯାତ୍ରୀ ଥିଲେ। ସମସ୍ତେ ସୁରେନ୍ଦ୍ର ନଗର ଜିଲ୍ଲା ସ୍ଥିତ ଯାତ୍ରାଧାମ ଚୋଟିଲାରୁ ଫେରୁଥିଲେ। ପୋଲିସ୍‌ ଅନୁଯାୟୀ ଟ୍ରକ୍‌ର ଟାୟାର ଫାଟିଯିବା କାରଣରୁ ତାହା ହାଇଓ୍ବେ ମଝିରେ ଛିଡ଼ା ହୋଇଥିଲା। ଆଉ ଦ୍ରୁତ ଗତିରେ ଯାଉଥିବା ଏହି ମିନି ଟ୍ରକ୍‌ ସାମ୍ନାରେ ହଠାତ୍‌ ଟ୍ରକ୍‌ ଆସିଯାଇଥିଲା। ଫଳରେ ଏହି ଭୟଙ୍କର ଦୁର୍ଘଟଣା ଘଟିଥିଲା।