ଆଜି ବଡ଼ ପରଦାରେ ଗଦର -୨ VS OMG 2

ନ୍ୟୁଜ ୩୬୫ (ବ୍ୟୁରୋ): ଆଜି ରିଲିଜ ହେଲା ବହୁ ପ୍ରତିକ୍ଷିତ ଫିଲ୍ମ ‘ଗଦ୍ଦର-୨’ ଓ ‘ଓଃ ମାଇଁ ଗଡ଼ ୨’ । ‘ଗଦର ପାର୍ଟ-୨’ ସନି ଦେୱଲ ଏବଂ ଅମିଶା ପଟେଲଙ୍କ ଅଭିନୀତ ଏହି ଫିଲ୍ମ ଦେଖିବା ପାଇଁ ସିନେମା ହଲରେ ଦର୍ଶକଙ୍କର ପ୍ରବଳ ଭିଡ଼ ଲାଗିଛି । ୨୦୦୧ ମସିହାରେ ଅନିଲ ଶର୍ମାଙ୍କ ନିର୍ଦ୍ଦେଶିତ ଗଦର ବକ୍ସ ଅଫିସରେ ଚାଞ୍ଚଲ୍ୟ ସୃଷ୍ଟି କରିଥିଲା । ଠିକ୍ ୨୨ ବର୍ଷ ପରେ ଆଜି ଏହାର ଦ୍ୱିତୀୟ ଭାଗ ରିଲିଜ ହୋଇଛି । ମୂଳ ଚଳଚିତ୍ର ଗଦର-ଏକ ପ୍ରେମ କଥାରେ ସନି ଦେୱଲ ତାରା ସିଂ ଏବଂ ଅମିଷା ପଟେଲ ସାକିନା ଭୂମିକାରେ ଅଭିନୟ କରିଥିଲେ । ସେପଟେ ବଲିଉଡ୍ ଖିଲାଡି ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ‘ଓଃ ମାଇଁ ଗଡ଼ ୨’ ମଧ୍ୟ ଆଜି ବଡ଼ ପରଦାକୁ ଆସିଛି । ଫିଲ୍ମଟି ଏକ କମେଡ଼ି ଡ୍ରାମା ଫିଲ୍ମ । ଏହି ଫିଲ୍ମରେ ଅକ୍ଷୟ କୁମାର, ୟାମି ଗୌତମ, ପଙ୍କଜ ତ୍ରିପାଠୀ ପ୍ରମୁଖ ଭୁମିକାରେ ନଜର ଆସିଛନ୍ତି । ଆଜି କମେଡି VS ଆକ୍ସନ ମଧ୍ୟରେ ହେବ କଡାକଡି ଟକ୍କର ।