ନ୍ୟୁଜ୍ ୩୬୫ (ବ୍ୟୁରୋ): ବଡ଼ ପରଦାକୁ ଆସିଲା ବହୁ ପ୍ରତୀକ୍ଷିତ ସିନେମା ଜେଲର । ସାଉଥ ସୁପରଷ୍ଟାର ରଜନୀକାନ୍ତ ଓ ତମନ୍ନା ଭାଟିଆଙ୍କ ଅଭୀନିତ ଏହି ଫିଲ୍ମକୁ ନେଇ ଦକ୍ଷିଣ ଭାରତରେ ଚର୍ଚ୍ଚା ଜୋର ଧରିଛି । ସେପଟେ ରଜନୀକାନ୍ତଙ୍କ ପ୍ରଶଂସକମାନେ ହଲ ସାମ୍ନାରେ ଡାନ୍ସ କରିବା ସହ ବାଣ ଫୁଟାଇ ଖୁସି ହେଉଥିବା ଦେଖିବାକୁ ମିଳିଛି । ଫିଲ୍ମଟି ଅଗ୍ରୀମ ଟିକେଟ ବୁକିଂରେ ୧୩ କୋଟି ଟଙ୍କା ସଂଗ୍ରହ କରିସାରିଲାଣି ।
ଫିଲ୍ମରେ ରଜନୀକାନ୍ତ ଜଣେ ଜେଲର ଭାବେ ଅଭିନୟ କରିଛନ୍ତି ।ସେ ଯେଉଁ ଜେଲରେ ସେହି ଜେଲର କୁଖ୍ୟାତ ଅପରାଧୀ ରହିଛନ୍ତି । ଆଉ ଅପରାଧୀଙ୍କୁ ମୁକୁଳାଇବାକୁ ଗୋଟିଏ ଗ୍ୟାଙ୍ଗ ପ୍ରୟାସ କରୁଛି । ଯାହାକୁ ନେଇ ପୁରା ସିନେମାଟି ତିଆରି ହୋଇଛି । ରଜନୀକାନ୍ତଙ୍କ ପ୍ରଶଂସକଙ୍କ ଉତ୍ସାହକୁ ଦୃଷ୍ଟିରେ ରଖି ଚେନ୍ନାଇ ଏବଂ ବାଙ୍ଗାଲୋରରେ କେତେକ କମ୍ପାନୀ ନିଜ କର୍ମଚାରୀଙ୍କୁ ରଜନୀକାନ୍ତଙ୍କ ଫିଲ୍ମ ପାଇଁ ମାଗଣା ଟିକେଟ ବାଣ୍ଟିଛନ୍ତି ।
