ପ୍ରଣବ ମୁଖାର୍ଜୀ, ଶରଦ ପାୱାର କଂଗ୍ରେସର ସ୍ୱାର୍ଥ ଯୋଗୁ ପ୍ରଧାନମନ୍ତ୍ରୀ ହୋଇ ପାରିଲେନି : ମୋଦି

ନ୍ୟୁଜ 365 (ବ୍ୟୁରୋ): ପ୍ରଣବ ମୁଖାର୍ଜୀ ଏବଂ ଶରଦ ପାୱାରଙ୍କ ପରି ବହୁ ଉଚ୍ଚକୋଟୀର ନେତା କଂଗ୍ରେସର ରାଜବଂଶ ଯୋଗୁଁ ଦେଶର ପୁରାତନ ଦଳରେ ପ୍ରଧାନମନ୍ତ୍ରୀ ହୋଇପାରିଲେ ନାହିଁ। କଂଗ୍ରେସର କ୍ଷମତା ସ୍ବାର୍ଥ ଯୋଗୁ ପ୍ରଣବ ମୁଖାର୍ଜୀ ଏବଂ ଶରଦ ପାଓ୍ବାରଙ୍କ ପରି ବଡ ବଡ ନେତାମାନେ ପ୍ରଧାନମନ୍ତ୍ରୀ ହେବାରୁ ବଂତିଚ ହୋଇଛନ୍ତି । ରାଜସ୍ଥାନ ଏବଂ ମହାରାଷ୍ଟ୍ରର ଏନଡିଏ ସାଂସଦଙ୍କ ସହ ବୈଠକ ସମୟରେ ଏଭଳି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ବୈଠକରେ ନେହେରୁ-ଗାନ୍ଧୀ ପରିବାରକୁ ଟାର୍ଗେଟ କରିଛନ୍ତି ପ୍ରଧାନମନ୍ତ୍ରୀ । ମୋଦି କହିଛନ୍ତି, କଂଗ୍ରେସ ଦଳର ସମ୍ପୂର୍ଣ୍ଣ ବ୍ୟବସ୍ଥା ଗାନ୍ଧୀ ପରିବାରର ସ୍ବାର୍ଥ ଦ୍ୱାରା ପ୍ରେରିତ। ସେମାନଙ୍କର ସ୍ବାର୍ଥକୁ ପୂରଣ କରିବା ପାଇଁ ସେମାନେ ପ୍ରଧାନମନ୍ତ୍ରୀ ହେବାକୁ ଯୋଗ୍ୟ ଥିବା ବହୁ ବଡ ନେତାଙ୍କ ଅଭିଳାଷକୁ ହତ୍ୟା କରିଛନ୍ତି। ପ୍ରଣବ ମୁଖାର୍ଜୀ ଏବଂ ଶରଦ ପାୱାରଙ୍କ ପରି ଦକ୍ଷ ବ୍ୟକ୍ତିମାନେ ଏଥିପାଇଁ ପ୍ରଧାନମନ୍ତ୍ରୀ ହେବାର ସୁଯୋଗ ପାଇ ନାହାନ୍ତି।