ନ୍ୟୁଜ୍ 365(ବ୍ୟୁରୋ): ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ନବ ଦାସ ହତ୍ୟା ମାମଲାରେ ଆଜି କୋର୍ଟରେ ହାଜର ହେବ ଅଭିଯୁକ୍ତ ଗୋପାଳ ଦାସ । ଏନେଇ ଗୋପାଳକୁ ଆଜି ଝାରସୁଗୁଡ଼ା ADJ କୋର୍ଟରେ ହାଜର କରାଯିବ । ଗୋପାଳ ଦାସ ଝାରସୁଗୁଡ଼ା ADJ କୋର୍ଟରେ ହାଜର ହେବା ପରେ ତା ବିରୋଧରେ ଚାର୍ଜଫ୍ରେମ୍ ହେବା । ଏଥି ପାଇଁ କଡ଼ା ସୁରକ୍ଷା ମଧ୍ୟରେ ଗୋପାଳକୁ କଟକ ଚୌଦ୍ବାର ଜେଲରୁ ଝାରସୁଗୁଡ଼ାକୁ ଅଣାଯାଇଥିବା ବେଳେ ଜିଲ୍ଲା ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି ।
୨୬ ତାରିଖରେ ଗୋପାଳ କୋର୍ଟରେ ହାଜର ହେବା ପରେ ଷ୍ଟେଟ୍ ଡିଫେନ୍ସ କାଉନସିଲ ନରେଶ ନାୟକଙ୍କୁ ତା’ର ଓକିଲ ଭାବେ କୋର୍ଟ ନିଯୁକ୍ତ କରିଥିଲେ। ତେବେ ବୁଧବାର ନବ ଦାସ ହତ୍ୟା ମାମଲାରେ ଗୋପାଳ ବିରୋଧରେ କୋର୍ଟରେ ଚାର୍ଜଫ୍ରେମ୍ ହେବ। ଏହା ପରଠାରୁ ମାମଲାର ଶୁଣାଣି ଆରମ୍ଭ ହେବ।
