ନ୍ୟୁଜ୍ ୩୬୫(ବ୍ୟୁରୋ): ପୃଥିବୀରେ ଅନେକ ଚର୍ଚ୍ଚିତ ସହର ଅଛି । କିଏ ମନ୍ଦିର ମାଳିନି ପାଇଁ ପ୍ରସିଦ୍ଧ ତ , ଆଉ କିଏ ବୀର ପୁରୁଷ ମାନଙ୍କ ଜନ୍ମସ୍ଥଳୀ ପାଇଁ ବେଶ୍ ନାଁ କରିଛି । ହେଲେ ଆପଣ ଜାଣନ୍ତି କି ଭାରତରେ ଏମିତି ଏକ ସହର ଅଛି ଯେଉଁ ସହର ଡକାୟତି ମାନଙ୍କ ପାଇଁ ପ୍ରସିଦ୍ଧ । ଆଉ ସେହି ସହର ଡକାୟତି ଭାବରେ ଇତିହାସରେ ମଧ୍ୟ ସ୍ଥାନ ପାଇଛି । ଏହି ସହର ଦୁନିଆର ସବୁଠାରୁ ପାପୀ ସହର ଭାବରେ ପରିଗଣିତ ହୁଏ । ଏହାର କାରଣ ହେଉଛି ବର୍ଷେ ପୂର୍ବରୁ ଏମିତି ଅପରାଧର ଘଟଣା ଏଠାରେ ଘଟୁଥିଲା ଯେ କେହି ବି ଏହି ସହର ବିଷୟରେ ଶୁଣେ ତାଙ୍କ ଲୋମ ଟାଙ୍କୁରୀ ଉଠେ । ହେଲେବର୍ତ୍ତମାନ ଏହି ସହର ସଂପୂର୍ଣ୍ଣ ରୂପେ ବଦଳି ଯାଇଛି । ଆମେ କହୁଛୁ ଜାମାଇକା ସହର ପୋର୍ଟ ରୟାଲ ବିଷୟରେ । ଏହା ବର୍ତ୍ତମାନ ଏକ ମିଳିତ ଜାତି ବିଶ୍ୱ ସହରରେ ପରିଣତ ହୋଇଛି ।
ଏହା ଜାମାଇକାର ଦକ୍ଷିଣ ଉପକୂଳ କିଙ୍ଗଷ୍ଟନ୍ ସହର ନିକଟରେ ଅବସ୍ଥିତ । ଏହି ସହର ସମୁଦ୍ର, ବେଳାଭୂମି ଏବଂ ଏହାର ସୌନ୍ଦର୍ୟ୍ୟ ପାଇଁ ପ୍ରସିଦ୍ଧ ।କିନ୍ତୁ ଏହା ସର୍ବଦା ଏହିପରି ନଥିଲା । ଏହି ସହର ଅତ୍ୟନ୍ତ ବିପଜ୍ଜନକ ବୋଲି ବିବେଚନା କରାଯାଉଥିଲା । କାରଣ ୧୭ ତମ ଶତାବ୍ଦୀରେ ଅନେକ ଡକାୟତ ଏଠାରେ ବସବାସ କରୁଥିଲେ । ଏହି ସହରଟି ବ୍ରିଟିଶମାନଙ୍କ ଅଧିନରେ ଥିଲା । ପୃଥିବିରେ ଯେତେ ବି ଡକାୟତ ଥିଲେ ସେମାନେ ଏହି ସ୍ଥାନକୁ ଆସି ଚୋରି କରୁଥିଲେ ଏବଂ ଚୋରି ସାମଗ୍ରୀକୁ ଅନ୍ୟ ଦେଶକୁ ପଠାଇଥାନ୍ତି । ଏହାସହ ଜୁଆ ଖେଳିବାରେ ପ୍ରଥମ ଥିଲା ଏହି ସହର ।
ସୂଚନାଅନୁଯାୟୀ, ଡକାୟତମାନଙ୍କ ଆଗମନ ପୂର୍ବରୁ ଏହି ସହର ମୁଖ୍ୟତଃ ମାଛ ଧରିବା ପାଇଁ ବ୍ୟବହୃତ ହେଉଥିଲା । କିନ୍ତୁ ସବୁଠାରୁ ଆଶ୍ଚର୍ୟ୍ୟଜନକ କଥା ହେଉଛି ଅନେକ ଦ୍ରବ୍ୟର ବିକ୍ରୟ ଏବଂ ନିଲାମ ସହିତ ମଣିଷମାନେ ମଧ୍ୟ ଏଠାରେ ନିଲାମ ହୋଇଥିଲେ। ସେମାନଙ୍କୁ ଦାସ ଭାବରେ ବିକ୍ରି କରାଯାଉଥିଲା । ତେଣୁ ଏହି ସହର ଅନେକ ଦଶନ୍ଧି ଧରି ଅପରାଧର କେନ୍ଦ୍ରବିନ୍ଦୁ ପାଲଟିଥିଲା । ଖାଲି ଏତିକି ନୁହେଁ ଗଣଦୁଷ୍କର୍ମରେ ମଧ୍ୟ ଏହି ସହର ନଂ ୧ ଥିଲା । ସେପଟେ ଏହି ସହର ସ୍ପେନ୍ ଏବଂ ପାନାମିଆନ୍ ଜାହାଜ ଚଳାଚଳ କରୁଥିବା ଜାହାଜଗୁଡିକୁ ଲୁଟିବା ପାଇଁ ଡକାୟତମାନଙ୍କ ପାଇଁ ଏକ ସୁରକ୍ଷିତ ବନ୍ଦର ହୋଇଥିଲା । ଏହାକୁ “ପାଶ୍ଚାତ୍ୟର ସବୁଠାରୁ ପାପପୂର୍ଣ୍ଣ ସହର” ବୋଲି କୁହାଯାଉଥିଲା । ସୂଚନା ଅନୁଯାୟୀ, ଜୁନ ୭, ୧୬୯୨ମସିହାରେ ଏହି ସହରରେ ଗୋଟିଏ ପରେ ଗୋଟିଏ ତିନୋଟି ଭୂକମ୍ପ ଘଟିଥିଲା । ଯାହାଫଳରେ ଏହାର ଅଧିକାଂଶ ଅଞ୍ଚଳକୁ ବୁଡ଼ାଇ ଦେଇଥିଲା। ଭୂକମ୍ପ ସହିତ ସୁନାମି ମଧ୍ୟ ଏଠାରେ ଠକ୍ ଠକ୍ କରିଥିଲା। ପ୍ରାୟ ସମସ୍ତ ସହର ଜଳମଗ୍ନ ହୋଇ କୋଠାଗୁଡ଼ିକ ଭୁଶୁଡ଼ିବା ଆରମ୍ଭ କରିଥିବାରୁ ଏହି ଦୁର୍ଘଟଣାରେ ହଜାର ହଜାର ଲୋକଙ୍କର ମୃତ୍ୟୁ ଘଟିଥିଲା ।
ଆଜିର ଦିନରେ, ସମଗ୍ର ଡକାୟତି ସହର ଜଳ ତଳେ ବୁଡ଼ି ଯାଇଛି ଏବଂ ଯେଉଁମାନେ ଜଳରାଶିରେ ଗାଧୋଉଛନ୍ତି ସେମାନେ ମଧ୍ୟ ଏହାକୁ ଦେଖିବାକୁ ଯାଆନ୍ତି । ସହରର ଛୋଟ ଅଞ୍ଚଳ ବର୍ତ୍ତମାନ ସେଠାରେ ପ୍ରଶାସନ ଦ୍ୱାରା ପରିଚାଳିତ ହେଉଛି ଏବଂ ଏକ ସୁନ୍ଦର ସ୍ଥାନ ଭାବରେ ବିକଶିତ ହୋଇଛି । ସେଠାରେ କିଛି ରେଷ୍ଟୁରାଣ୍ଟ ଏବଂ ସଂଗ୍ରହାଳୟ ମଧ୍ୟ ଅଛି । ଯେଉଁଥିରେ ସମୁଦ୍ର ତଳେ ମିଳୁଥିବା ଜିନିଷଗୁଡିକ ପ୍ରଦର୍ଶିତ ହୁଏ । ଏଠାରେ ପ୍ରଶାସନ ପର୍ୟ୍ୟଟକଙ୍କ ସଂଖ୍ୟା ବଢ଼ାଇବାରେ ଲାଗିପଡିଛିା ଯାହାଦ୍ୱାରା ଲୋକମାନେ ଏହି ଡକାୟତ ସହରର ଇତିହାସ ବିଷୟରେ ଜାଣିପାରିବେ ।
