ନ୍ୟୁଜ ୩୬୫ (ବ୍ୟୁରୋ):ଚର୍ଚ୍ଚାରେ ତାପସୀ ପନ୍ନୁ । ସାଉଥ୍ ଫିଲ୍ମ ଇଣ୍ଡଷ୍ଟ୍ରିରୁ ନିଜର କ୍ୟାରିଅର ଆରମ୍ଭ କରିଥିଲେ ତାପସୀ । ତାଙ୍କର କଠିନ ପରିଶ୍ରମ ପାଇଁ ସେ ଆଜି ଇଣ୍ଡଷ୍ଟ୍ରିରେ ନିଜର ଏକ ସ୍ୱତନ୍ତ୍ର ପରିଚୟ ହାସଲ କରିପାରିଛନ୍ତି । ସେ ସାଉଥ ଇଣ୍ଡଷ୍ଟ୍ରିର କୁଇନ୍ କହିଲେ ଅତୁକ୍ତି ହେବନାହିଁ । ଦିନେ ଏମିତି ଏକ ସମୟ ଥିଲା ତାପସୀଙ୍କୁ ଅଶୁଭ ବୋଲି କୁହାଯାଉଥିଲା । ଏହି ଯାତ୍ରା ତାପସୀଙ୍କ ପାଇଁ ବହୁତ କଠିନ ହୋଇଥିଲା । ଶିକ୍ଷା କ୍ଷେତ୍ରରେ ଅନେକ ବଲିଉଡ୍ ଅଭିନେତ୍ରୀଙ୍କ ଠାରୁ ତାପସୀ ଖୁବ୍ ଆଗରେ ଅଛନ୍ତି । ସେ ‘ଗୁରୁ ତେଗ ବାହାଦୁର ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରେ’ ଇଞ୍ଜିନିୟରିଂ କରିଥିଲେ । ପରେ ସେ ଏକ ଫାର୍ମରେ ସଫ୍ଟୱେୟାର ଇଞ୍ଜିନିୟର ଭାବରେ କାମ କରିଥିଲେ । ଏଠାରେ ସେ ଅନେକ ଆପଲିକେସନ ମଧ୍ୟ ବିକଶିତ କରିଥିଲେ । ଏଠାରୁ ହିଁ ସେ ପାଇଥିଲେ ମଡେଲିଂର ଅଫର । ଏହାପରେ ତାଙ୍କୁ ଅଭିନୟ କରିବାର ସୁଯୋଗ ମଧ୍ୟ ମିଳିଥିଲା । ହେଲେ ଏହି ଯାତ୍ରା ତାପସୀଙ୍କ ପାଇଁ ସହଜ ନଥିଲା । ହେଲେ କ୍ରମାଗତ ଫ୍ଲପ୍ ଚଳଚିତ୍ର ତାଙ୍କ କ୍ୟାରିଅର୍ ଉପରେ ଅଧିକ ଖରାପ ପ୍ରଭାବ ପକାଉଥିଲା ।
ହେଲେ ତାପସୀ କେବେ ଭାବିନଥିଲେ ଯେ ସେ ଜଣେ ଅଭିନେତ୍ରୀ ହେବେ ବୋଲି । ଯେତେବେଳେ ସେ ଫିଲ୍ମ ଇଣ୍ଡଷ୍ଟ୍ରିରେ ପ୍ରବେଶ କଲେ ତାଙ୍କୁ ଅନେକ ଅସୁବିଧାର ସାମ୍ମନା କରିବାକୁ ପଡିଥିଲା । ଏମିତି କି ତାଙ୍କୁ ଅଶୁଭ ବୋଲି ମଧ୍ୟ କୁହାଯାଉଥିଲା । ଏହି କଥାକୁ ନିଜେ ଅଭିନେତ୍ରୀ ଏକ ସାକ୍ଷାତକାରରେ ପ୍ରକାଶ କରିଛନ୍ତି । ସେ କହିଛନ୍ତି ଯେ ତେଲୁଗୁରେ ମୋର କିଛି ଚଳଚିତ୍ର ସୁପରହିଟ୍ ହେଉନଥିଲା । ଅନ୍ୟ ଅଭିନେତ୍ରୀ ମାନଙ୍କ ଫିଲ୍ମ ସୁପର ହିଟ୍ ହୋଇଥିବାବେଳେ ମୋ ଅଭିନିତ ଫିଲ୍ମ ଗୁଡିକ ଫ୍ଲପ୍ ହେଉଥିଲା । ତେଣୁ ମତେ ସମସ୍ତେ ଅଶଚଭ ହୋଲି କହୁଥିଲୋ ସେ ଆହୁରି ମଧ୍ୟ କହିଛନ୍ତି ଯେ, ମୁଁ ପ୍ରସିଦ୍ଧ ନାଁ ଉପରେ ବିଶ୍ୱାସ କରି ଚଳଚ୍ଚିତ୍ର ସାଇନ୍ କରିଥିଲି । ଯାହା ମୋ ପାଇଁ କାମ କଲା ନାହିଁ । କାରଣ ମୋ ଚଳଚିତ୍ର ସୁପରହିଟ୍ ହେଉନଥିଲା କି ମୁଁ ଏତେ ପପୁଲାର ନଥିଲି । ଏହି ଯାତ୍ରାରେ ଅନେକ ବାଧା ବିଗ୍ନକୁ ଏକାକି ସାମ୍ମନା କରିଛି । ଅନେକ ଚେଷ୍ଟା ପରେ ଆଜି ମୁଁ ସଫଳତାର ସ୍ୱାଦ ଚାଖିପାରିଛି ।
