ରାଜଧାନୀରେ ସିରିଜ କାର ଦୁର୍ଘଟଣା

ନ୍ୟୁଜ 365 (ବ୍ୟୁରୋ): ଭୁବନେଶ୍ବର ଡମଣା ଛକ ନିକଟରେ ସିରିଜ କାର ଦୁର୍ଘଟଣା । ଚାରୋଟି କାର୍ ମଝିରେ ଚାପି ହୋଇଗଲା ସ୍କୁଟି । ଅଳ୍ପକେ ବର୍ତ୍ତିଲେ ସ୍କୁଟି ଚାଳକ । ଖବର ଅନୁାଯାୟୀ, ଲଗାଣ ବର୍ଷା ଯୋଗୁ ରାସ୍ତା ଜଳମଗ୍ନ ଥିବା ବେଳେ ଦ୍ରୁତ ଗତିରେ ଗାଡିଚାଳନା ଯୋଗୁଁ ଡମଣା ଛକ ନିକଟରେ ଏପରି ଦୁର୍ଘଟଣା ଘଟିଛି ।

ଦୁର୍ଘଟଣାରେ ଚାରୋଟି କାର୍ ମଝିରେ ଗୋଟିଏ ସ୍କୁଟି ଚାପି ହୋଇଯାଇଛି । ଏଥିରେ ସ୍କୁଟିଟି ସମ୍ପୂର୍ଣ୍ଣ ଭାଙ୍ଗି ଯାଇଥିବା ବେଳେ କେହି ଆହତ ହୋଇନାହାନ୍ତି । କିନ୍ତୁ ସିରିଜ୍ ଦୁର୍ଘଟଣା ପରେ ଟ୍ରାଫିକ ଜାମ୍ ଯୋଗୁଁ ଶହ ଶହ ଗାଡି ମୋଟର ଯାତାୟତରେ ବ୍ୟାଘାତ ହୋଇଥିଲା । ଖବର ପାଇ ସ୍ଥାନୀୟ ଥାନା ଅଧିକାରୀ ପହଞ୍ଚି ଟ୍ରାଫିକକୁ ନିୟନ୍ତ୍ରଣ କରିଥିଲେ ।