ପ୍ରଧାନମନ୍ତ୍ରୀଙ୍କୁ ମିଷ୍ଟର କ୍ଲିନ ବୋଲି କହିଲେ ଅଜିତ ପାଓ୍ୱାର 

ନ୍ୟୁଜ 365 (ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରବଳ ପ୍ରଶଂସା କରିଛନ୍ତି  ମହାରାଷ୍ଟ୍ର ଉପ ମୁଖ୍ୟମନ୍ତ୍ରୀ ଅଜିତ ପାଓ୍ୱାର । ଅଜିତ ପାଓ୍ୱାର  ମୋଦିଙ୍କୁ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ସହ ତୁଳନା କରିଛନ୍ତି । ରାଜୀବ ଗାନ୍ଧୀ ଯେମିତି ମିଷ୍ଟର କ୍ଲିନ ନାମରେ ଜଣାଶୁଣା ଠିକ ସେମିତି ପ୍ରଧାନମନ୍ତ୍ରୀ ମୋଦୀଙ୍କର ମଧ୍ୟ ସମାନ ଭାବମୂର୍ତ୍ତି ରହିଛି । ଆମେ ଗତ ୯ ବର୍ଷ ଧରି ପ୍ରଧାନମନ୍ତ୍ରୀ ମୋଦିଙ୍କ କାର୍ଯ୍ୟ ଉପରେ ନଜର ରଖିଛୁ। ଅନ୍ତର୍ଜାତୀୟ ସ୍ତରରେ ମୋଦିଙ୍କ ଭଳି ଲୋକପ୍ରିୟତା ଥିବା ଅନ୍ୟ କୌଣସି ନେତା ନାହାଁନ୍ତି। ଭିତ୍ତିଭୂମି ଦୃଷ୍ଟିରୁ ସେ କରିଥିବା କାର୍ଯ୍ୟ ଯୋଗୁ ବିଶ୍ୱରେ ଭାରତ ଏକ ଭିନ୍ନ ପ୍ରକାରର ସମ୍ମାନ ପାଉଛି ବୋଲି ଅଜିତ ପାଓ୍ୱାର କହିଛନ୍ତି  ।ସପୁଣେରେ ଏକ କାର୍ଯ୍ୟକ୍ରମରେ ଏଭଳି କହିଛନ୍ତି ଅଜିତ ପାଓ୍ୱାର । ଅଜିତଙ୍କ ଏହି ପ୍ରଶଂସା ମହାରାଷ୍ଟ୍ର ରାଜନୀତିରେ ଚର୍ଚ୍ଚା ସୃଷ୍ଟି କରିଛି । ଅଜିତ ପାଓ୍ୱାର ଗତ ମାସରେ ଏନସିପିରୁ ବିଦାୟ ନେଇ ଭାଜପା-ଶିବସେନା ସରକାରରେ ଯୋଗ ଦେଇଥିଲେ ।