ନ୍ୟୁଜ ୩୬୫ (ବ୍ୟୁରୋ): ବଲିଉଡ ଅଭିନେତ୍ରୀ କଙ୍ଗନା ରାଣାୱତ୍ ଙ୍କ ଟାର୍ଗେଟରେ ବଲିଉଡ ପ୍ରଯୋଜକ-ନିର୍ଦ୍ଦେଶକ କରଣ ଜୋହର । ଇନଷ୍ଟାଗ୍ରାମରେ କରଣଙ୍କୁ ଶକୁନି କହିସାରିଥିବା କଙ୍ଗନା ଏବେ ତାଙ୍କ ଉପରେ ଏକ ବଡ଼ ଆରୋପ ଲଗାଇଛନ୍ତି। ସେ କହିଛନ୍ତି ଯେ କରଣ ଟଙ୍କା ଫିଙ୍ଗି ଫିଲ୍ମକୁ ହିଟ୍ କରାଇପାରନ୍ତି । ସୂଚନାଅନୁଯାୟୀ ଅଭିନେତ୍ରୀ କଙ୍ଗନା ତାଙ୍କ ଇନଷ୍ଟାରେ ଏକ ଭିଡିଓ ପୋଷ୍ଟ କରି ଲେଖିଛନ୍ତି ଯେ, କରଣ ଜୋହର ଟଙ୍କା ଦେଇ ରିଲିଜ୍ ହୋଇଥିବା ଫିଲ୍ମର ଭଲ ରିଭ୍ୟୁ ଦେବାକୁ କୁହନ୍ତି। ଗତକାଲି କଙ୍ଗନା ନିଜ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରେ କରଣଙ୍କର ଏକ ପୁରୁଣା ଭିଡିଓ ପୋଷ୍ଟ କରିଥିଲେ ।
ଏଥିରେ ନିର୍ଦ୍ଦେଶକ କରଣ ଜୋହର ଜଣେ ଛାତ୍ରଙ୍କ ପ୍ରଶ୍ନର ଉତ୍ତର ଦେଇ କହୁଥିଲେ ଯେ ସଂଖ୍ୟା ବଦଳାଯାଇପାରିବ ଏବଂ ଟଙ୍କା ଦେଇ କିଛି କି ପରିବର୍ତ୍ତନ କରାଯାଇପାରିବ। କରଣଙ୍କ ଏହି ଭିଡିଓ ସେୟାର କରି କଙ୍ଗନା ନିଜ ଇନଷ୍ଟାଗ୍ରାମରେ ଲେଖିଛନ୍ତି, କରଣ ଜୋହର କହୁଛନ୍ତି ଯେ ସେ ଟଙ୍କା ଫିଙ୍ଗି କିଛି ବି କରିପାରିବେ। ଲୋକମାନଙ୍କ ମନରେ କିଛି ବି ଧାରଣା ତିଆରି କରିପାରିବେ। ସେ କେବଳ ନିଜ ଫିଲ୍ମ ହିଟ୍ କରାଇବାକୁ ଏଭଳି କରନ୍ତି ନା ଅନ୍ୟର ହିଟ୍ ଫିଲ୍ମକୁ ଫ୍ଲପ କରିବା ପାଇଁ ମଧ୍ୟ ସେ ଟଙ୍କା ଦିଅନ୍ତି। ଏଭଳି କହି କରଣଙ୍କୁ ସୋସିଆଲ ମିଡିଆରେ ଟାର୍ଗେଟ କରିଥିଲେ ।
