ନ୍ୟୁଜ୍ 365(ବ୍ୟୁରୋ): ବ୍ୟାଙ୍କ ଲୋନ୍ ଦେବା ନାଁରେ ବଡ଼ ଧରଣର ଠକେଇ କରି EOW ପଞ୍ଝାରେ ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆର ପୂର୍ବତନ ବ୍ରାଞ୍ଚ ମ୍ୟାନେଜର । ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆର ପୂର୍ବତନ ବ୍ରାଞ୍ଚ ମ୍ୟାନେଜର ସ୍ଵୟମ୍ ପ୍ରକାଶ ପରିଡାଙ୍କୁ କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖା ଗିରଫ କରିଛି । ତାଙ୍କ ନାଁରେ ୧ କୋଟି ୯ ଲକ୍ଷ ଟଙ୍କାର ଠକେଇ ଅଭିଯୋଗ ହୋଇଥିଲା ।
ସୂଚନାଯୋଗ୍ୟ, ୨୦୧୫ରୁ ୨୦୧୭ ମଧ୍ୟରେ ଲୋନ୍ ଦେବା ନାଁରେ ଠକେଇ କରିଥିଲେ ସ୍ଵୟମ୍ । ନକଲି କାଗଜପତ୍ର ଦେଇ ଭିନ୍ନ ଭିନ୍ନ ବ୍ୟାଙ୍କରେ ଆକାଉଣ୍ଟ ଖୋଲି ଲୋନ୍ ମଞ୍ଜୁର କରାଯାଇଥିଲା । ଭାରତ ମୋଟର୍ସ, ସିଟି ମୋଟର୍ସ, ଆଦିତ୍ୟ ମୋଟର୍ସ, ଉତ୍କଳ ମୋବାଇଲ୍, ରାଜପଥ କେଟିଏମ୍ ନାଁରେ ସିଣ୍ଡିକେଟ ବ୍ୟାଙ୍କ, ଓଡ଼ିଶା ଗ୍ରାମ୍ୟ ବ୍ୟାଙ୍କ, ଆକ୍ସିସ୍ ବ୍ୟାଙ୍କ, ୟୁକୋ ବ୍ୟାଙ୍କ ଇତ୍ୟାଦି ବ୍ୟାଙ୍କ ଗୁଡ଼ିକରେ ଜାଲ୍ ଡ଼କ୍ୟୁମେଣ୍ଟ ଜରିଆରେ ଆକାଉଣ୍ଟ ଖୋଲି ଲୋନ୍ ପ୍ରଦାନ କରାଯାଇଥିଲେ । ଏଥିରେ ୨୪ଟି ଗାଡି ଲୋନ ଓ ସିସି ଲୋନ ସାମିଲ ରହିଥିଲା । ଏନେଇ ଅଭିଯୋଗ ପରେ ତାଙ୍କ ବିରୋଧରେ ତଦନ୍ତ ଆରମ୍ଭ କରିଥିଲା କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖା । ଶେଷରେ ତଦନ୍ତ କରି ପୂର୍ବତନ ବ୍ୟାଙ୍କ ମ୍ୟାନେଜରଙ୍କୁ ବାନ୍ଧିଛି EOW।
