ସମୂଦ୍ରରେ ପଡ଼ିଲା ସେନା ହେଲିକପ୍ଟର, ପାଇଲଟଙ୍କ ସମେତ ୪ ନିଖୋଜ

 ନ୍ୟୁଜ 365 (ବ୍ୟୁରୋ): ଆମେରିକା- ଅଷ୍ଟ୍ରେଲିଆର ସମରାଭ୍ୟାସ ଚାଲିଥିବା ବେଳେ ଏକ ବଡ ଦୁର୍ଘଟଣା ହୋଇଛି। ଅଷ୍ଟ୍ରେଲିଆର ଉତ୍ତର-ପୂର୍ବ ଉପକୂଳ ନିକଟରେ ସମୁଦ୍ରରେ ସେନା ହେଲିକପ୍ଟର ଖସି ପଡିଛି । ଫଳରେ ପାଇଲଟଙ୍କ ସମେତ ୪ ଜଣ ଯବାନ ନିଖୋଜ ଥିବା ସୂଚନା ମିଳିଛି । ପ୍ରତିରକ୍ଷାମନ୍ତ୍ରୀ ରିଚର୍ଡ ମାଲର୍ସଙ୍କ ସୂଚନା ଅନୁସାରେ, ସମରାଭ୍ୟାସ ଚାଲିଥିବା ବେଳେ ଏମଆରଏଚ-୯୦ ତାଇପନ ହେଲିକପ୍ଟର ଦୁର୍ଘଟଣା ଗ୍ରସ୍ତ ହୋଇଛି। ତେବେ ନିଖୋଜ ବ୍ୟକ୍ତିଙ୍କୁ ଖୋଜିବା ପାଇଁ ୟୁଏସ-ଅଷ୍ଟ୍ରେଲିଆ ଟେଲିସମ୍ୟାନ ସବରେ ଅଭ୍ୟାସକୁ ବନ୍ଦ କରି ଦିଆଯାଇଛି। ଉଦ୍ଧାରକାରୀ ଦଳ ଉଦ୍ଧାରକାର୍ଯ୍ୟ ଜାରି ରଖିଥିବା ସୂଚନା ମିଳିଛି ।