ନ୍ୟୁଜ ୩୬୫ (ବ୍ୟୁରୋ):ପୋଖରୀରେ ବୁଡିଯାଇ ଚାଲିଗଲା ସମ୍ପର୍କୀୟ ଦୁଇକ ଭାଇଙ୍କ ଜୀବନ। ଏହିଭଳି ଅଭାବନୀୟ ଘଟଣା ଦେଖିବାକୁ ମିଳିଛି ନୟାଗଡ ଜିଲ୍ଲା ସୋରଡା ଗାଁରେ । ଗାଁର ବାବୁ ନାୟକଙ୍କର ୮ବର୍ଷର ପୁଅ ରାକେଶ ଏବଂ ମହେଶ ନାୟକଙ୍କ ୬ବର୍ଷର ପୁଅ ରିତେଶଙ୍କ ମୃତ୍ୟୁ ହୋଇଛି । ପରିବାର ଲୋକ ଏବଂ ଗ୍ରାମବାସୀ ଦୁଇ ଶିଶୁଙ୍କୁ ଉଦ୍ଧାର କରି ଦଶପଲ୍ଲା ଡାକ୍ତରଖାନା ନେଇଥିଲେ, ପରେ ତାଙ୍କୁ ମୃତ ଘୋଷଣା କରିଥିଲେ । ଦୁଇ ନାବାଳକ ଗାଁ ପୋଖରୀକୁ ଗାଧୋଇବାକୁ ଯାଇଥିଲେ ।
ତେବେ ପୋଖରୀରେ ଗାଧୋଉଥିବାବେଳେ ଅସାବଧାନତା ବଶତଃ ତାଙ୍କର ଗୋଡ ଖସିଯାଇଥିଲା । ସେମାନେ ପାଣିରେ ବୁଡିଯାଇଥିଲେ । ଘର ଲୋକ ସଂଗେ ସଂଗେ ଖବର ପାଇ ସେମାନଙ୍କୁ ଉଦ୍ଧାର କରିଥିଲେ ସୁଦ୍ଧା ସେତବେଳକୁ ବହୁ ଡେରି ହୋଇସାରିଥିଲା । ସେପଟେ ଦୁଇଶିଶୁଙ୍କ ଅକାଳ ମୃତ୍ୟୁରେ ପୁରା ଗାଁ ଶୋକାକୁଳ ହୋଇପଡିଛି ।
