ନ୍ୟୁଜ ୩୬୫ (ବ୍ୟୁରୋ):ଜାଦେଜା ଓ କୁଲଦୀପ ସ୍ପିନ୍ ସୋ,୫ଓ୍ବିକେଟରେ ୱେଷ୍ଟଇଣ୍ଡିଜ ବିପକ୍ଷରେ ପ୍ରଥମ ଦିନିକିଆ ଜିତିଛି ଭାରତ । ୧୧୫ ରନର ଟାର୍ଗେଟକୁ ୨୩ ଓଭରରେ ପୂରଣ କଲା ରୋହିତ ବାହିନୀ। ନବମ ଥର ଲଗାତାର ପରାସ୍ତ ହୋଇଛି ଓ୍ବେଷ୍ଟଇଣ୍ଡିଜ୍। ଫଳରେ ୩ଟି ମ୍ୟାଚରୁ ଗୋଟିଏ ଜିତି ଭାରତ ୧-୦ରେ ଆଗରେ ରହିଛି। ଘରୋଇ ଦଳର ଟପ ଅର୍ଡର ବ୍ୟାଟସମ୍ୟାନଙ୍କୁ ଭାରତର ସ୍ପିନ୍ ଯୋଡ଼ି ରବୀନ୍ଦ୍ର ଜାଦେଜା ଓ କୁଲଦୀପ ଯାଦବ ଆଉଟ କରିବା ପରେ ଘରୋଇ ଦଳ ୨୨ ଓଭରରେ ୧୨୪ ରନ୍ କରି ଅଲଆଉଟ ହୋଇଥିଲା । ଭାରତ ପକ୍ଷରୁ କୁଲଦୀପ ଯାଦବ ୩ଓଭର ବୋଲିଂ କରି ୬ରନ୍ ଦେଇ ସର୍ବାଧିକ ୪ଟି ୱିକେଟ ନେଇ ମ୍ୟାଚର ଶ୍ରେଷ୍ଠ ଖେଳାଳି ପୁରସ୍କାର ହାତେଇଛନ୍ତି,ଜାଡେଜା ୩ଟି ୱିକେଟ ନେଇଛନ୍ତି। ପ୍ରଥମ ଦିନିକିଆରେ ବିଜୟ ସହ ରେକର୍ଡ କରିଛି, ନବମ ଥର ଲଗାତାର ପରାସ୍ତ ହୋଇଛି ଓ୍ବେଷ୍ଟଇଣ୍ଡିଜ୍।ସେହିପରି ଡେବ୍ୟୁଟାଣ୍ଟ ମୁକେଶ କୁମାରଙ୍କ ସମେତ ଶାର୍ଦ୍ଦୁଲ ଠାକୁର ଓ ହାର୍ଦ୍ଦିକ ପାଣ୍ଡ୍ୟା ମଧ୍ୟ ଗୋଟିଏ ଲେଖାଏ ସଫଳତା ପାଇଛନ୍ତି। ଏହାପରେ ୧୧୫ ରନ୍ ଲକ୍ଷ୍ୟରେ ଖେଳିଥିବା ଭାରତ ପାଇଁ ଶୀର୍ଷକ୍ରମରେ ରୋହିତ ଶର୍ମା ଏବଂ ବିରାଟ କୋହଲି ବ୍ୟାଟିଂ ପାଇ ଆସିନଥିଲେ । ଫଳରେ ଭାରତ ୧୦୦ ରନ୍ ଭିତରେ ୫ ୱିକେଟ୍ ହରାଇ ଦେଇଥିଲା । ତଥାପି ଈଶାନ କିଶନଙ୍କ ଅର୍ଦ୍ଧଶତକ ଭାରତକୁ ସହଜ ବିଜୟ ଦେଇଛି । ୱେଷ୍ଟଇଣ୍ଡିଜ୍ ବିପକ୍ଷ ଏହି ୩ ମ୍ୟାଚ୍ ଶୃଙ୍ଖଳାରେ ଭାରତ ୧-୦ରେ ଆଗୁଆ ହୋଇଛି । ରୋହିତ ଶର୍ମା ଏହି ମ୍ୟାଚରେ ପାଳି ଆରମ୍ଭ କରିବାକୁ ନଆସି ଦୁଇ ଯୁବ ବ୍ୟାର୍ଟ ଶୁବମନ ଗିଲ୍ ଓ ଈଶାନ କିଶନଙ୍କୁ ଉପରେ ଛାଡ଼ିଥିଲେ ।
ଈଶାନଙ୍କ ସହ ସୂର୍ୟ୍ୟକୁମାର ଯାଦବ ଦ୍ବିତୀୟ ୱିକେଟ୍ରେ ୩୬ ରନ୍ ଯୋଡ଼ି ପାଳି ସମ୍ଭାଳିଥିଲେ । ସୂର୍ୟ୍ୟଙ୍କ ସଟ୍ରେ ଆତ୍ମବିଶ୍ବାସର ଅଭାବ ଦେଖାଯାଉଥିଲା । ଯେଉଁଥିପାଇଁ ଭୁଲ୍ ସଟ୍ ଚୟନ କରି ଗୁଡ଼କେଶ ମୋତିଙ୍କ ବଲ୍ରେ ଏଲ୍ବିଡବ୍ଲୁ ହୋଇଯାଇଥିଲେ । ଈଶାନ କିଶନ ଆକର୍ଷଣୀୟ ଅର୍ଦ୍ଧଶତକ ହାସଲ କରିଥିଲେ ମଧ୍ୟ ଆଗକୁ ବଢ଼ି ପାରିନଥିଲେ ।ଗୁଡ଼କେଶ ମୋତିଙ୍କ ଦ୍ବିତୀୟ ଶିକାର ହୋଇଥିଲେ । ହାର୍ଦ୍ଦିକ ପାଣ୍ଡ୍ୟାଙ୍କ ରନ୍ ଆଉଟ୍ ଏବଂ ଶାର୍ଦୁଳ ଠାକୁରଙ୍କ ସଅଳ ବିଦାୟ କାରଣରୁ ଭାରତ ୧୦୦ ରନ୍ ଭିତରେ ୫ ୱିକେଟ୍ ହରାଇ ଦେଇଥିଲା । ପଞ୍ଚମ ୱିକେଟ୍ର ପତନ ପରେ ରୋହିତ ବ୍ୟାଟିଂ କରିବାକୁ ଆସିଥିଲେ । ୱେଷ୍ଟଇଣ୍ଡିଜ ୨୩ ଓଭରରେ ୧୧୪ ରନ୍ କରିଥିବା ବେଳେ ଭାରତ ମଧ୍ୟ ୨୩ତମ ଓଭରରେ ୫ ୱିକେଟ୍ରେ ବିଜୟୀ ହୋଇଥିଲା ।
ବ୍ରିଜଟାଉନରେ ଖେଳାଯାଉଥିବା ପ୍ରଥମ ଦିନିକିଆରେ ଭାରତର ଅଧିନାୟକ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ। ହାର୍ଦ୍ଦିକ ପାଣ୍ଡ୍ୟା ଓ ମୁକେଶ କୁମାର ଦଳର ବୋଲିଂ କମାଣ ସମ୍ଭାଳିଥିଲେ। ମ୍ୟାଚ୍ର ତୃତୀୟ ଓଭରରରେ ପାଣ୍ତ୍ୟା ବିସ୍ଫୋରକ କାୟେଲ ମେୟର୍୨ଙ୍କୁ ଆଉଟ କରି ଭାରତକୁ ପ୍ରଥମ ସଫଳତା ଦେଇଥିଲେ।ଏହାପରେ ଅଧିନାୟକ ସାଇ ହୋପଙ୍କୁ ଛାଡ଼ି ଆଉ କେହି ବି ଭାରତୀୟ ସ୍ପିନ ଯୋଡ଼ି କୁଲଜାଙ୍କୁ ସମ୍ମୁଖୀନ ହୋଇ ପାରିନଥିଲେ। ପୂର୍ବରୁ କୁଲଚା ଅର୍ଥାତ କୁଲଦୀପ ଯାଦବ ଓ ୟୁଜି ଚହଲଙ୍କୁ ଦିନିକିଆରେ କମାଲ କରୁଥିବା ଦେଖିବାକୁ ମିଳୁଥିଲା। ଏହି ଯୋଡ଼ି କୁଲଚା ନାଁରେ ପରିଚିତ ଥିଲେ। ହେଲେ ଆଜି ଇଣ୍ଡିଜ ବିପକ୍ଷ ପ୍ରଥମ ଦିନିକିଆରେ କୁଲଜା ଯୋଡ଼ିଙ୍କ ଜଲୱା ଦେଖିବାକୁ ମିଳିଛି।
