ନ୍ୟୁଜ ୩୬୫ (ବ୍ୟୁରୋ): ଚର୍ଚ୍ଚାରେ ବିଗ୍ ବିଙ୍କ ପୁରୁଣା ଟ୍ୱିଟ୍ । ନିକଟରେ ବିଗ୍ ବି ‘କୌନ ବନେଗା କରୋଡ଼ପତି-୧୫’ ପାଇଁ ସୁଟିଂ ଆରମ୍ଭ କରିଛନ୍ତି। ଏହାରି ଭିତରେ ଅମିତାଭ ବଚ୍ଚନଙ୍କର ୧୩ ବର୍ଷ ତଳର ଏକ ପୁରୁଣା ଟ୍ୱିଟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯାହାକୁ ନେଇ ତାଙ୍କୁ ଖୁବ୍ ସମାଲୋଚନାର ସାମ୍ନା କରିବାକୁ ପଡୁଛି। ଟ୍ବିଟ୍ରେ ସେ ମହିଳାମାନଙ୍କ ଅନ୍ତବସ୍ତ୍ର କୁ ନେଇଏକ ପ୍ରଶ୍ନ ପଚାରିଛନ୍ତି। ସୋସିଆଲ ମିଡିଆରେ ବିଗ୍ ବିଙ୍କ ଏପରି ପ୍ରଶ୍ନ ଶୁଣି ସୋସିଆଲ୍ ମିଡିଆ ବ୍ୟବହାରକାରୀମାନେ ଆଶ୍ଚର୍ୟ୍ୟ ହୋଇଛନ୍ତି। ଅମିତାଭ ବଚ୍ଚନ ୨୦୧୦ ମସିହା ଜୁନ୍ ୧୨ ତାରିଖ ରାତି ପ୍ରାୟ ୩.୨୪ ସମୟରେ ଏହି ଟ୍ବିଟ୍ କରିଥିଲେ । ସେ ତାଙ୍କ ଟ୍ବିଟ୍ରେ ଲେଖିଥିଲେ, ‘ଇଂରାଜୀ ଭାଷାରେ ବ୍ରା ଏକବଚନ ଓ ପ୍ୟାଣ୍ଟି ବହୁବଚନ କାହିଁକି? ଏହି ୧୩ ବର୍ଷ ତଳର ପୁରୁଣା ଟ୍ୱିଟ୍ ଭାଇରାଲ୍ ହେବା ମାତ୍ରେ ଅଧିକାଂଶ ଲୋକ ବିଗ୍ ବିଙ୍କୁ ନିନ୍ଦା କରିଛନ୍ତି।
