ନ୍ୟୁଜ୍365 (ବ୍ୟୁରୋ); ବଲିଉଡ ଚଳଚ୍ଚିତ୍ର ଗଦର ଦର୍ଶକଙ୍କ ମନକୁ ଛୁଇଁଥିବା ବେଳେ ବେଶ୍ ଲୋକପ୍ରିୟତା ହାସଲ କରିଥିଲା । ଏବେ ‘ଗଦର-୨’ର ଟ୍ରେଲର ରିଲିଜ ହୋଇଛି । ତେବେ ଚଳଚ୍ଚିତ୍ରରେ ମୁଖ୍ୟ ଭୂମିକାରେ ନଜର ଆସିଥିବା ଅମିଷା କିନ୍ତୁ ନିଜ ଫିଲ୍ମର ଟ୍ରେଲର ଦେଖିବାକୁ ଆସିନାହାନ୍ତି । ତାହାର କାରଣ ହେଉଛନ୍ତି ଚଳଚ୍ଚିତ୍ରରେ ଡେବ୍ୟୁ କରିବାକୁ ଯାଉଥିବା ଅଭିନେତ୍ରୀ ସିମରତ କୌର୍। ଫିଲ୍ମ ରିଲିଜ୍ ପୂର୍ବରୁ ସିମ୍ରତଙ୍କର ଏକ ଭିଡିଓ ରିଲିଜ୍ ହେବା ପରେ ତାହାକୁ ନେଇ ବିବାଦ ହୋଇଥିଲା। ତାଙ୍କୁ ଅନେକ ସମାଲୋଚନା କରୁଥିବାଓ ବେଳେ ସମର୍ଥନ କରିଥିଲେ ଅମିଷା। ଟ୍ରେଲର୍ ରିଲିଜ୍ ଉତ୍ସବକୁ ଗଲେ କାଳେ ତାଙ୍କୁ ସିମରତ୍ଙ୍କ ବିଷୟରେ କିଛି ପଚାରାଯିବ ବୋଲି ଭାବି ଅମିଷା ଅନୁପସ୍ଥିତ ରହିବାର ନିଷ୍ପତ୍ତି ନେଇଛନ୍ତି।
ଅଭିନେତ୍ରୀ ଅମିଷା ପଟେଲ୍ ଓ ଅଭିନେତା ସନ୍ନି ଦେଓଲଙ୍କ ଅଭିନୀତ ଫିଲ୍ମ ‘ଗଦର-୨’କୁ ନେଇ ଚର୍ଚ୍ଚା ଜୋର୍ ଧରିଛି । ଏହି ଫିଲ୍ମକୁ ନେଇ ଭିନ୍ନ ଭିନ୍ନ ଆଲୋଚନା ଚାଲିଥିବା ବେଳେ ଏଥିରେ ନୂଆ ହିରୋଇନ୍ଙ୍କୁ ଦେଖିବାକୁ ମିଳିଛି । ପଞ୍ଜାବ ଓ ତେଲୁଗୁ ଇଣ୍ଡଷ୍ଟ୍ରିରେ କାମ କରି ସାରିଥିବା ଅଭିନେତ୍ରୀ ସିମ୍ରତ୍ କୌର୍ ରନ୍ଧୱାଙ୍କୁ ‘ଗଦର-୨’ରେ ଏକ ଗୁରୁତ୍ବପୂର୍ଣ୍ଣ ଭୂମିକାରେ ଦେଖିବାକୁ ମିଳିବ।
