ନ୍ୟୁଜ ୩୬୫ (ବ୍ୟୁରୋ): ‘ପୁଷ୍ପା’ ଅଭିନେତା ଅଲ୍ଳୁ ଅର୍ଜୁନଙ୍କୁ କିଏ ବା ନଜାଣେ । ଛୋଟ ଠୁ ବଡ଼ ସମସ୍ତଙ୍କ ହୃଦୟରେ ରାଜ କରୁଛନ୍ତି ଅଭିନେତା ଅଲ୍ଳୁ ଅର୍ଜୁନ । ଅଲ୍ଳୁଙ୍କ ଅଭିନୟ ଏବଂ ଷ୍ଟାଇଲରେ ସଭିଏଁ ଫିଦା । ହେଲେ ଆପଣ ଜାଣନ୍ତି କି ଅଲ୍ଲୁଙ୍କ ପ୍ରଶଂସକମାନଙ୍କ ତାଲିକାରେ ଇଣ୍ଡିଆନ୍ କ୍ରିକେଟ୍ ଟିମ୍ର ପୂର୍ବତନ ଖେଳାଳି ମହେନ୍ଦ୍ର ସିଂହ ଧୋନିଙ୍କ ପତ୍ନୀ ସାକ୍ଷୀ ବି ଅଛନ୍ତି। ସାକ୍ଷୀ କହିଛନ୍ତି ଯେ, ସେ ପିଲାଟି ଦିନରୁ ଅଲ୍ଲୁ ଅର୍ଜୁନଙ୍କର ଜଣେ ବଡ଼ ପ୍ରଶଂସିକା। ସାକ୍ଷୀଙ୍କୁ ଯେତେବେଳେ ତେଲୁଗୁ ଚଳଚ୍ଚିତ୍ର ଦେଖିଛନ୍ତି କି? ବୋଲି ପ୍ରଶ୍ନ କରାଯାଉଛି, ଏହାର ଉତ୍ତରରେ ସାକ୍ଷୀ କହନ୍ତି, ‘ଆପଣ ଜାଣନ୍ତି, ମୁଁ ଅଲ୍ଳୁ ଅର୍ଜୁନଙ୍କ ସମସ୍ତ ଫିଲ୍ମ ଦେଖିଛି। ସେତେବେଳେ କୌଣସି ନେଟଫ୍ଲିକ୍ସ କିମ୍ବା ହଟଷ୍ଟାର ନଥିଲା। କେବଳ ୟୁଟ୍ୟୁବ୍ ଏବଂ ଗୋଲ୍ଡମାଇନ୍ ପ୍ରଡକ୍ସନର ଚ୍ୟାନେଲ୍ ଥିଲା। ସେଠାରେ ତେଲୁଗୁ ଚଳଚ୍ଚିତ୍ରର ହିନ୍ଦୀ ଭର୍ସନ ରିଲିଜ୍ ହେଉଥିଲା। ମୁଁ ସେଠାରେ ଅଲ୍ଲୁ ଅର୍ଜୁନଙ୍କ ଫିଲ୍ମ ଦେଖୁଥିଲି। ମୁଁ ତାଙ୍କର ଜଣେ ବଡ଼ ପ୍ରଶଂସକ। ।
ଏହାସହ ମହେନ୍ଦ୍ର ସିଂ ଧୋନି ଏବଂ ସାକ୍ଷୀ ଧୋନି ‘ଧୋନି ଏଣ୍ଟର୍ଟେନ୍ମେଣ୍ଟ୍’ ନାମକ ଏକ ନୂତନ ପ୍ରଯୋଜନା ସଂସ୍ଥା ଆରମ୍ଭ କରିଛନ୍ତି। ମହେନ୍ଦ୍ର ସିଂ ଧୋନିଙ୍କ ଡେବ୍ୟୁ ଫିଲ୍ମ ଏଲଜିଏମ ଅର୍ଥାତ୍ ‘ଲେଟ୍ସ ଗେଟ୍ ମ୍ୟାରେଡ୍’ରେ ଧୋନିଙ୍କୁ ଦେଖିବାକୁ ମିଳିବ। ଖାଲିସେତିକି ନୁହେଁ ଧୋନିଙ୍କ ପତ୍ନୀ ସାକ୍ଷୀ ଧୋନି ମଧ୍ୟ ଖୁବ ଶୀଘ୍ର ନିର୍ମାତା ଭାବରେ ସିନେମା ଜଗତରେ ଡେବ୍ୟୁ କରିବାକୁ ଯାଉଛନ୍ତି । ତାଙ୍କ ପ୍ରଡକ୍ସନର ପ୍ରଥମ ଚଳଚ୍ଚିତ୍ର ‘ଲେଟ୍ସ ଗେଟ୍ ମ୍ୟାରେଡ୍’ ଖୁବ୍ ଶୀଘ୍ର ସିନେମା ହଲ୍ରେ ରିଲିଜ୍ ହେବ ବୋଲି ସୂଚନା ମିଳିଛି ।
