କାହାକୁ ସମର୍ଥନ କରିବେ ମାୟାବତୀ ? କାହା ପାଖକୁ ଯିବ ମାୟାବତୀଙ୍କ ହାତୀ

ନ୍ୟୁଜ 365 (ବ୍ୟୁରୋ): ଲୋକସଭା ନିର୍ବାଚନ ୨୦୨୪ ପାଇଁ ଶାସକ ଦଳ ଏବଂ ବିରୋଧୀ ଦଳ ନିଜର ଫାଇଦା ସ୍ଥିର କରିବା ଆରମ୍ଭ କରିଛନ୍ତି। ଉଭୟ ପାର୍ଶ୍ୱର ରାଜନୈତିକ ଦଳ ସ୍ଥିର କରାଯାଇଛି। ତେବେ ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଦେଶର ରାଜନୀତିରେ ବଡ ସ୍ଥାନ ପାଇଥିବା ବହୁଜନ ସମାଜ ପାର୍ଟି (ବିଏସପି)ର ମୁଖ୍ୟ ମାୟାବତୀ ଏହି ଯୁଦ୍ଧରେ ଏକୁଟିଆ ଛିଡା ହୋଇଛନ୍ତି। ବାସ୍ତବରେ, ଏହା ମାୟାବତୀଙ୍କ ରାଜନୀତିର ଏକ ରଣନୀତି ମଧ୍ୟ । ସେ ନିଜ ନିଷ୍ପତ୍ତି ନେଇ ଅନେକ ଥର ରାଜନୈତିକ ସମୀକ୍ଷକଙ୍କୁ ଆଶ୍ଚର୍ଯ୍ୟ କରିଛନ୍ତି। ବର୍ତ୍ତମାନ, ସମସ୍ତ ଦଳ ୨୦୨୪ ପାଇଁ ପ୍ରସ୍ତୁତ। ଅନ୍ୟପକ୍ଷରେ, ବିଏସପି ସୁପ୍ରିମୋଙ୍କ ରାଜନୀତି କ’ଣ ହେବ ତାହା ଉପରେ ସମସ୍ତଙ୍କ ନଜର। ୟୁପି ପରି ଏକ ବଡ ରାଜ୍ୟର ମୁଖ୍ୟମନ୍ତ୍ରୀ ରହିଥିବା ମାୟାବତୀଙ୍କ ପଦକ୍ଷେପ ଉପରେ ବିଶ୍ଳେଷକମାନେ ତୀକ୍ଷଣ ନଜର ରଖିଛନ୍ତି। ମାୟାବତୀଙ୍କ ହାତୀ କୁଆଡେ ଯିବ ସେ ନେଇ ନାନା କଳ୍ପନା ଜଳ୍ପନା ପ୍ରକାଶ ପାଇବାରେ ଲାଗିଛି। ମାୟାବତୀ ବେଙ୍ଗାଲୁରୁରେ ଗଠିତ ବିରୋଧୀ ଦଳର ବୈଠକକୁ ଜାତିବାଦୀ ବୋଲି କହିଛନ୍ତି। ବିରୋଧୀ ଦଳର ବୈଠକକୁ ମାୟାବତୀଙ୍କ ଦଳ ଆମନ୍ତ୍ରିତ ହୋଇ ନ ଥିଲା। ମାୟାବତୀଙ୍କ ଏହି ମନୋବଳ ରାଜନୀତିରେ ନୂଆ ନୁହେଁ। ବେଙ୍ଗାଲୁରୁରେ ବିରୋଧୀ ଦଳର ବୈଠକ ସମାପ୍ତ ହେବାର ଗୋଟିଏ ଦିନ ପରେ ମାୟାବତୀ ଅଭିଯୋଗ କରିଛନ୍ତି କଂଗ୍ରେସ ଜାତିଆଣ ଦଳ ସହ ଏକ ମେଣ୍ଟ କରିଛି। ଏହା ସହିତ ସେ ଛତିଶଗଡ, ରାଜସ୍ଥାନ ଏବଂ ମଧ୍ୟପ୍ରଦେଶରେ ଏକାକୀ ନିର୍ବାଚନ ଲଢ଼ିବାକୁ ଘୋଷଣା କରିଛନ୍ତି।