ନାଗପୁର, ୦୫ ଜୁନ। ରାଷ୍ଟ୍ରୀୟ ସ୍ଵୟଂସେବକ ସଂଘର କାର୍ଯ୍ୟକର୍ତା ବିକାଶ ବର୍ଗ ଦ୍ଵିତୀୟର ସମାପନ ସମାରୋହରେ ମୁଖ୍ୟ ଅତିଥି ଅରବିନ୍ଦ ନେତାମ ଜୀ କହିଥିଲେ ଯେ ମତାନ୍ତରଣ ଓ ନକ୍ସଲବାଦ, ଏହି ଦୁଇଟି ସମସ୍ୟା ଆଦିବାସୀ ସମାଜରେ ମୁଖ୍ୟତଃ ଦେଖାଯାଉଛି। ଏହି ସମସ୍ୟାଗୁଡ଼ିକ ଉପରେ ଆଦିବାସୀ ସମାଜ ଓ ସଂଘକୁ ମିଳିତ ଭାବେ କାମ କରିବା ଉଚିତ। ସଂଘ ଓ ସମାଜ ମିଳିତ ଭାବେ ନକ୍ସଲବାଦ ଓ ମତାନ୍ତରଣ ସମସ୍ୟାର ସମାଧାନ କରିପାରନ୍ତି। କେନ୍ଦ୍ର ସରକାର ନକ୍ସଲବାଦ ଉପରେ ପରିଣାମକାରୀ କାର୍ଯ୍ୟ କରିଛନ୍ତି। କିନ୍ତୁ ଏହାକୁ ମୂଳରୁ ନିର୍ମୂଳ କରିବାର ଆବଶ୍ୟକତା ରହିଛି। ଉଦାରୀକରଣ ଓ ଶିଳ୍ପୀକରଣ ଯୋଗୁଁ ଆଦିବାସୀମାନଙ୍କର ବିସ୍ଥାପନ ଘଟୁଛି। ଏହା ସେମାନଙ୍କ ପାଇଁ ଏକ ସମସ୍ୟା। ଏହାଦ୍ଵାରା ଜଳ, ଜମି, ଜଙ୍ଗଲ ବିପଦରେ ପଡ଼ିଛି। ବିକାଶ ତ ଘଟୁଛି, କିନ୍ତୁ ବିକାଶରେ ଆଦିବାସୀମାନଙ୍କର ଅଂଶୀଦାରୀ ନିଶ୍ଚିତ ହେବା ଉଚିତ। ସେ କହିଥିଲେ ଯେ ଭୂମି ଅଧିଗ୍ରହଣ ବଦଳରେ ଭୂମିକୁ ଲିଜ୍ରେ ନିଆଯିବା ଉଚିତ। ସଂଘ ଓ ଆଦିବାସୀ ସମାଜର ଆଲୋଚନା ନିରନ୍ତର ଚାଲୁ ରହିବା ଉଚିତ। ସଂଘ ଦ୍ଵାରା ଚଳାଯାଇଥିବା ଡିଲିଷ୍ଟିଂ ଆନ୍ଦୋଳନ ଭଲ ଅଟେ। ମତାନ୍ତରଣ ବିରୁଦ୍ଧରେ ରାଜ୍ୟ ସରକାର ଓ କେନ୍ଦ୍ର ସରକାରଙ୍କୁ କଡ଼ା ଆଇନ ପ୍ରଣୟନ କରିବା ଉଚିତ।
