ଦୁର୍ବଳ ହେଉଛି କି ଇଣ୍ଡି ମେଣ୍ଟ । ଏହି ଚର୍ଚ୍ଚା ଏବେ ଏଥିପାଇଁ ଜୋରସୋରରେ ଉଠିଛି କାରଣ ଆଉ କେହି ନୁହେଁ ବରଂ କଂଗ୍ରେସର ବରିଷ୍ଠ ନେତା ପି. ଚିଦାମ୍ବରମଙ୍କବୟାନ ପାଇଁ । ଦିଲ୍ଲୀରେ ଆୟୋଜିତ ଏକ କାର୍ଯ୍ୟକ୍ରମରେ ଚିଦାମ୍ବରମ ବିରୋଧୀ ମେଣ୍ଟ ଇଣ୍ଡିର ଭବିଷ୍ୟତକୁ ନେଇ ଚିନ୍ତା ପ୍ରକାଶ କରିଛନ୍ତି । କହିଛନ୍ତି , ବିରୋଧୀ ମେଣ୍ଟର ଭବିଷ୍ୟତ ଅନିଶ୍ଚିତତା ଭିତରେ ପଡିଲାଣି । ମେଣ୍ଟରେ ଦଳମାନଙ୍କ ମଧ୍ୟରେ ଏକତାର ଅଭାବ ଦେଖାଗଲାଣି । ମଜଭୁତ କିମ୍ବା ସ୍ଥିର ବି ନାହିଁ ଇଣ୍ଡି ମେଣ୍ଟ । ଧୀରେ ଧୀରେ ଏହା ଭାଙ୍ଗିବାରେ ଲାଗିଛି ।
ଅନ୍ୟପଟେ ବିଜେପିର ଖୁବ ପ୍ରଶଂସା କରିବା ସହ ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ବକୁ ନେଇ ନିଜ ମନ କଥା କହିଛନ୍ତି । ବରିଷ୍ଠ ନେତା କହିଛନ୍ତି, ମୋଦୀ ସରକାର ନିଜ ବୁଦ୍ଧିମତାର ପରିଚୟ ଦେଇଛନ୍ତି । ଧୈର୍ଯ୍ୟ ଓ ସନ୍ତୁଳନ ସହ ପାକିସ୍ତାନକୁ କଡ଼ା ଜବାବ ଦେଇଛନ୍ତି । ଅପରେସନ ସିନ୍ଦୂରକୁ ନେଇ ସରକାରଙ୍କ କାର୍ଯ୍ୟାନୁଷ୍ଠାନ ପ୍ରଶଂସାଯୋଗ୍ୟ । ବିଜେପି ସରକାର ପାକିସ୍ତାନକୁ ବଡ ଜବାବ ଦେବାରେ ସଫଳ ହୋଇଥିବା କହିଛନ୍ତି ପି. ଚିଦାମ୍ବରମ । ପୂର୍ବରୁ ଶଶୀ ଥରୁର ମଧ୍ୟ ମୋଦୀ ସରକାରଙ୍କ ବିଦେଶୀ ନୀତିଠୁ ନେଇ କୋଭିଡ ମୁକାବିଲା ପରିଚାଳନାକୁ ଭୁରି ପ୍ରଶଂସା କରିଥିଲେ । ଏପରିକି ବିଜେପି ନେତାମାନଙ୍କ ସହ ଫଟୋ ଉଠାଇବା ପରେ କଂଗ୍ରେସ ଶିବିରରେ କମ୍ପନ ଦେଖାଦେଇଥିଲା ।
