ଅନିଲ କପୁରଙ୍କ ମା’ ନିର୍ମଳାଙ୍କ ପରଲୋକ । ଗତକାଲି ଅର୍ଥାତ୍ ମେ ୨ରେ ତାଙ୍କର ଦେହାନ୍ତ ଘଟିଛି । ନିର୍ମଳା ୯୦ବର୍ଷ ବୟସରେ ଦେହ ତ୍ୟାଗ କରିଛନ୍ତି । ଚିକିତ୍ସିତ ସମୟରେ କୋକିଲାବେନ ଅମ୍ବାନୀ ହସ୍ପିଟାଲରେ ତାଙ୍କର ଦେହାନ୍ତ ହୋଇଛି । ମା’ଙ୍କ ପରଲୋକ ପରେ ମର୍ମାହତ ହୋଇ କପୁର ପରିବାରର ସଦସ୍ୟମାନେ ସୋସିଆଲ ମିଡିଆରେ ନିର୍ମଳାଙ୍କ ଫଟୋ ପୋଷ୍ଟ କରି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
ସୂଚନା ମୁତାବକ ନିର୍ମଳା ଗତକାଲି ସନ୍ଧ୍ୟା ୫.୨୫ମିନିଟରେ ମୁମ୍ବାଇ କୋକିଲାବେନ ଅମ୍ବାନୀ ହସ୍ପିଟାଲରେ ପ୍ରାଣତ୍ୟାଗ କରିଛନ୍ତି ବୋଲି ସିଇଓ ଡ଼ା.ସନ୍ତୋଷ ସେଟ୍ଟୀ ସ୍ପଷ୍ଟ କରିଛନ୍ତି । ଫିଲ୍ମ ନିର୍ମାତା ସୁରିନ୍ଦର କପୁରଙ୍କ ସ୍ତ୍ରୀ ନିର୍ମଳା ତାଙ୍କର ପୁଅ, ବୋହୂ ଏବଂ ନାତିନାତୁଣୀଙ୍କ ସହ ଆନନ୍ଦପୂର୍ଣ୍ଣ ଜୀବନ ଅତିବାହିତ କରିଥିଲେ । କିଛି ଦିନ ପୂର୍ବରୁ ମଧ୍ୟ ପୁରା କପୁର ନିର୍ମଳାଙ୍କ ୯୦ତମ ଜନ୍ମୋତ୍ସବ ପାଳନ କରିଥିଲେ । କିନ୍ତୁ ଗତକାଲିଠାରୁ ସେ କପୁର ପରିବାର ଗହଣରେ ଆଉ ନାହାଁନ୍ତି । ଯାହା ପରେ ପୁରା କପୁର ପରିବାର ଦୁଃଖରେ ଭାଙ୍ଗି ପଡିଛନ୍ତି ।
ମା’ଙ୍କ ଦେହାନ୍ତ ପରେ ଶେଷକୃତ୍ୟ ପାଇଁ କପୁରର ପୁରା ପରିବାର ଅନିଲ କପୁରଙ୍କ ଘରେ ପହଞ୍ଚିଛନ୍ତି । ବୋନି କପୁର ଆଜି ସକାଳେ ଦୁଃଖ ପ୍ରକାଶ କରି ମା’ଙ୍କୁ ମନେପକାଇ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ନୋଟ୍ ସେୟାର କରି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଏହା ମଧ୍ୟ କ୍ୟାପସନରେ ଲେଖିଛନ୍ତି ଯେ, ମା’ ଆମ ହୃଦୟରେ ରହିବେ ଏବଂ ସବୁବେଳ ପାଇଁ ମନେପଡିବେ । ଭାବପ୍ରବଣ ହୋଇ ଆହୁରି ମଧ୍ୟ ଲେଖିଛନ୍ତି ଆମ ସମସ୍ତଙ୍କ ତରଫରୁ ତୁମକୁ ଅନେକ ଭଲପାଇବା ମା’ । ତାଙ୍କ ସମେତ ଅର୍ଜୁନ କପୁର ତାଙ୍କ କାକାଙ୍କ ଘରେ ପହଞ୍ଚିବା ସହିତ ଜେଜେ ମା’ଙ୍କ ଉଦ୍ଦେଶ୍ୟରେ ସୋସିଆଲ ମିଡିଆରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
