ଜମ୍ମୁ କାଶ୍ମୀର କିସ୍ତୱାରାରେ ବଡ଼ ଧରଣର ଏନକାଉଣ୍ଟର ହୋଇଛି  ।  ଆଉ ଦୁଇ ପାକିସ୍ତାନୀ ଆତଙ୍କବାଦୀ ନିହତ ହୋଇଛନ୍ତି । ଘଟଣା ସ୍ଥଳରୁ AK ଓ M4 ରାଇଫଲ ସହ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ ହୋଇଛି ।  ଏବେ ବି ଅପରେସନ୍ ଜାରି ରହିଛି ।  ସେପଟେ ଏଲଓସି ଅଖନୁର ସେକ୍ଟରରେ ଆତଙ୍କାବଦୀଙ୍କ ଗୁଳିରେ ସହିଦ ହୋଇଛନ୍ତି ଜଣେ ଆର୍ମୀ ଅଫିସର ।

ଏନକାଉଣ୍ଟର ବେଳେ ଜଣେ JCOଙ୍କ ଦେହରେ ଗୁଳି ଲାଗିଥିଲା ।  ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି ।  ଅଖନୁର ସେକ୍ଟରରେ ଆତଙ୍କବାଦୀଙ୍କ ଅନୁପ୍ରବେଶ ଉଦ୍ୟମ ବେଳେ ସେ ମୁକାବିଲା କରିଥିଲେ ।  ଅନୁପ୍ରବେଶ ଉଦ୍ୟମ ପଣ୍ଡ ହୋଇଥିବା ଆର୍ମୀ ପକ୍ଷରୁ ସୂଚନା ଦିଆଯାଇଛି ।  ପୂରା ଅଞ୍ଚଳକୁ କର୍ଡନ କରି ସର୍ଚ୍ଚ ଅପରେସନ କରୁଛି ସେନା ।