ଗୋଠଛଡା ଦନ୍ତାହାତୀ ଆକ୍ରମଣରେ ମହିଳାଙ୍କ ମୃତ୍ୟୁ। ମହିଳାଙ୍କୁ ଦଳି ଦେଲା ଗୋଠଛଡା ଦନ୍ତାହାତୀ । ଏହିଭଳି ଏକ ଅଭାବନୀୟ ଘଟଣା ଖୋର୍ଦ୍ଧା ବନଖଣ୍ଡ ଅଧିନସ୍ଥ ବେଗୁନିଆ ବ୍ଲକ ଦେଉଳି ପଚାଂୟତ ର ଗୋପିନାଥପୁର ଗ୍ରାମରେ ଦେଖିବାକୁ ମିଳିଛି । ସୂଚନା ଅନୁଯାୟୀ ଦେଉଳି ଗୋପୀନାଥପୁର ଗାଁ ର ବାସନ୍ତୀ ରାଉତରାୟ ସକାଳୁ କାଜୁ ତୋଳିବା ପାଇଁ ଘରୁ ନିକଟସ୍ଥ ଜଂଗଲ କୁ ଯାଉଥିବା ବେଳେ ଗୋଠ ଛଡା ଦନ୍ତା ହାବୁଡରେ ପଡିଥିଲେ । ଫଳରେ ଦନ୍ତା ହାତୀ ଟି ତାଙ୍କୁ ଦଳି ଦେଇଥିବା କାରଣରୁ ଘଟଣା ସ୍ଥଳରେ ବାସନ୍ତୀ ଙ୍କ ମୁତ୍ଯୁ ହୋଇଥିବା ଦେଖିବାକୁ ମିଳିଛି । ଘଟଣା ଘଟିବାର ଦୀର୍ଘ ସମୟ ଅତିକ୍ରାନ୍ତ ହୋଇଥିଲେ ମଧ୍ଯ ବନବିଭାଗ ର କୌଣସି କର୍ମଚାରୀ ଘଟଣା ସ୍ଥଳରେ ପହଞ୍ଚି ନଥିବା ଜଣାପଡିଛି । ସେ ପଟେ ହାତୀ ମଣିଷ ଲଢେଇ ରେ କେତେବେଳେ ମଣିଷ ତ କେତେବେଳେ ହାତୀର ଜୀବନ ଯାଉଛି । ଖୋର୍ଦ୍ଧା ବନଖଣ୍ଡ ଅଧିନରେ ୧୬ ଟିକିଆ ହାତୀପଲ ବିଭିନ୍ନ ଅଚଂଳ ରେ ଉପାତ ରଚାଉଥିବା ବେଳେ ଗୋଠ ଛଡା ଦନ୍ତା ଏବେ ଦେଉଳି ଅଞ୍ଚଳରେ ଆତଙ୍କ କରୁଛି । ସେପଟେ ବନବିଭାଗ କର୍ମଚାରୀ ହାତୀ ଖୋଉଡାଇବାରେ କୌଣସି ଆଖି ଦୃଶିଆ ପଦକ୍ଷେପ ନନେଉଥିବା କାରଣ ରୁ ଏହିଭଳି ପରିସ୍ଥିତି ଉପୁଜୁଥିବା ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି । ସେପଟେ ଖାଦ୍ଯ ଅନ୍ବେଷଣ ରେ ଜଂଗଲୀ ଜନ୍ତୁ ଗାଁ ମୁହାଁ ହେଉଛନ୍ତି କିନ୍ତୁ ବନବିଭାଗ କର୍ମଚାରୀ ହାତୀ ଘଉଡାଇବା ବିଫଳ ହେଉଥିବା ଯୋଗୁଁ ସ୍ଥାନୀୟ ଅଂଚଳର ଲୋକେ ଘୋର ଅସନ୍ତୋଷ ବ୍ୟକ୍ତ କରିଛନ୍ତି।